„Алкалоид“ АД Скопје во периодот јануари-септември годинава оствари консолидирана нето-добивка во 2023 година од 1.295.368.000 денари (21 милион евра) што е зголемување за 14 проценти во однос на истиот период минатата година, покажува консолидираниот биланс на успех на компанијата објавен преку Македонската берза.
Остварените консолидирани вкупни приходи во периодот јануари-септември 2023 година изнесуваат 12,7 милијарди денари (206 милиони евра) и во споредба со остварените во истиот период во 2022 година бележат раст од осум проценти.
„Во структурата на вкупните приходи, најголемо учество, 98 проценти, имаат приходите остварени со продажба на производи и на услуги, кои во споредба со остварените во 2022 година бележат раст од 14 проценти“, соопшти компанијата.
Прочитај повеќе
Живко Мукаетов ја зголеми сопственоста во „Алкалоид“
Продолжува да се зголемува учеството Мукаетов во сопственичката структура на „Алкалоид“
30.09.2023
Регионална анализа: „Алкалоид“ меѓу најуспешните фармацевтски гиганти
„Алкалоид“ е меѓу петте најдобри во регионот Адрија по остварената продажба и по остварените маргини на ЕБИТДА и ЕБИТ во текот на минатата година.
18.09.2023
„Алкалоид“ одбележа 45 години од постоењето на брендот „Бекутан“
Фармацевтската компанија „Алкалоид“ денеска одбележа 45 години на еден од своите најпрепознатливи брендови.
14.05.2023
„Алкалоид“ со признание за водечки инвеститор во регионот
Компанијата „Алкалоид“ АД Скопје доби признание од Коморскиот инвестициски форум на Западен Балкан (WB6CIF).
30.03.2023
Остварените консолидирани вкупни расходи во периодот јануари-септември 2023 бележат раст од седум процент.
„Од вкупните консолидирани продажби, 70 проценти се остварени на странските пазари. Најголем пораст кај извозните пазари бележат продажбите остварени во земјите од Источна Европа (раст од 29 проценти) и во земјите од Западна Европа (раст од 21 проценти)“, информираат од компанијата
Вкупните инвестиции во основни средства во периодот јануари – септември 2023 година изнесуваат 1,2 милијарди денари (20,1 милиони евра) и во споредба со остварените во истиот период од 2022 година бележат раст од 47 проценти.
„Ваквото зголемување на инвестициите се должи на најголемиот инвестициски проект на „Алкалоид“ во последните 20 години – новото производствено одделение за производство на цврсти форми 2 – со кој се зголемуваат капацитетите за производство на цврсти форми за повеќе од двапати“, велат од компанијата.
Во периодот јануари-септември 2023 година во „Алкалоид“ се реализирани 191 нови вработувања, со што групацијата брои 2.787 вработени, од кои 2.122 се во земјава, а 665 се вработени во подружниците во странство.
Бизнис-планот за 2023 година предвидува инвестирање на околу 11 проценти од консолидираните приходи од продажбите во материјални и во нематеријални средства, раст од 10 проценти на консолидираните продажби во однос на 2022 година, како и раст од седум проценти на консолидираниот профит пред оданочувањето, во однос на 2022 година.
„Бизнис-планот за 2023 година е базиран на очекувањата, проекциите и на можностите на тековните и на новите пазари и производи достапни за компанијата во моментот на изготвување на планот. Околностите и настаните во 2023 година, а со тоа и остварените резултати, може да варираат во однос на прикажаните во бизнис-планот.“, велат од компанијата.
Оттаму додаваат дека во изминатиот период друштвото се соочило со голем број интерни и екстерни предизвици и новонастанати ризици генерирани од енергетската и од економската криза.
„Презедовме голем број мерки во досегашниот период со цел неутрализирање на сите негативни ефекти, без притоа да се загрози успешното работење на друштвото. Во согласност со очекувањата, она кое доминираше во 2022 година, а кое продолжува и во 2023 година е забележителниот раст на цените на голем дел од влезните суровини и материјали и на енергенсите, како и порастот на цените за транспорт на глобално ниво, а особено значителните пролонгирања на роковите за испорака“, велат од компанијата.
Алкалоид
Од „Алкалоид“ потенцираат дека сето ова влијало и врз стапката на инфлација, која достигна високо ниво, но и врз намалената предвидливост за нејзините идни трендови.
„Во исто време, каматните стапки на регионалните и на европските пазари достигнаа рекордно високо ниво во последните неколку години, што дополнително ги оптоварува оперативните трошоци во работењето. Покрај сето тоа, изразената неизвесност на глобалните економски текови доведе и до варијабилност на повеќето национални валути, што значително го зголемува ризикот од негативни курсни разлики во работењето“, соопшти компанијата.
Како најголем предизвик и како прв приоритет за периодот што доаѓа и натаму за „Алкалоид“ останува грижата за здравјето на вработените, како и одржувањето на тековната ликвидност и на финансиската стабилност, но и остварувањето на планските цели.
.webp){kind=icon}
Во моментов нема коментари за веста. Биди прв да коментира...