„Панасоник“ (Panasonic) се согласи да продаде дел од производството на компоненти и опрема за автомобили, а од потенцијалниот купувач „Аполо“ (Apollo Global Management Inc.) бара јавна котација на деловните активности на берзата.
Јапонскиот производител на електроника потпиша меморандум за разбирање со подружницата на „Аполо“ и има намера да го финализира договорот до 31 март, соопшти компанијата во петокот.
Цените на акциите на „Панасоник“ скокнаа дури за 7,3 отсто во попладневното тргување во Токио, што е најмногу од ноември минатата година.
Трансакцијата е дел од планот на извршниот директор на „Панасоник“, Јуки Кусуми, да ослободи милијарди долари за инвестирање во нови области со раст по преструктурирањето на фирмата во холдинг-компанија во април 2022 година. Јапонскиот производител, кој ја снабдува „Тесла“ со батерии, со години се соочува со намалени маржи и со сè поголема конкуренција од компании од Јужна Кореја и Кина.
Новата корпоративна структура на „Панасоник“ го олесни склучувањето такви зделки. Автомобилската компанија наречена „Панасоник“ ќе стане партнер во „Аполо“ според методот на капитал, што покажува дека „Аполо“ ќе преземе мнозински удел.
Компанијата за автомобилски компоненти учествуваше со околу 15 отсто од вкупниот приход на „Панасоник“ за последната фискална година што заврши во март, со приход од 1,28 трилион јени (8,5 милијарди долари). Оваа компанија главно се фокусира на компонентните системи што нудат низа комфорни и безбедносни функции, како и други компоненти што „придонесуваат за создавање удобно, сигурно и безбедно возило“, се наведува во соопштението.
.webp){kind=icon}
