Коосновачот и претседател на „Опен еј-ај“ (OpenAI), Грег Брокман, соопшти дека ја напушта компанијата за генеративна вештачка интелигенција само неколку часа откако одборот го разреши извршниот директор, Сем Алтман.
„Јас сум супер горд на она што сите заедно го изградивме откако почнавме во мојот стан пред 8 години“, напиша Брокман во објава на платформата X. „Поминавме низ тешки времиња, но одлични моменти заедно, постигнувајќи толку многу и покрај сите причини поради кои нашата работа требаше да биде невозможна. Но, по денешните вести, поднесувам оставка“.
Одборот на „Опен еј-ај“ претходно објави дека се разделува со Алтман, исто така ко-основач и една од најистакнатите фигури во светот на вештачката интелигенција, откако ја загубил довербата во него како лидер.
Прочитај повеќе
Еден од главните ликови за ВИ, Сем Алтман, отпуштен од „Опен еј-ај“
Главниот директор за технологија Мира Мурати ќе биде привремен извршен директор.
18.11.2023
„Опен еј-ај“ ќе го паузира прифаќањето нови корисници на ЧетГТП
Компанијата на Алтман воведе нови функции и надградби на ЧетГПТ
15.11.2023
„Опен еј-ај“ преговара за продажба на акции вредни 86 милијарди долари
Стартапот кој стои зад вештачка интелигенција „ЧетГПТ“ (ChatGPT) преговара со потенцијални инвеститори за трансакцијата
19.10.2023
„Искрено не ви посакувам ништо друго освен најдоброто“, напиша Брокман во својата објава. „Сè уште верувам во мисијата за создавање безбедна (вештачка општа интелигенција) од која ќе има корист целото човештво“.
Во еден од претходно најавените потези, Брокман требаше да се повлече од функцијата претседател на одборот, но да остане во компанијата, односно да одговара директно пред новиот извршен директор.
.webp){kind=icon}
