.webp){kind=icon}
Акционерите на „Оилко“ КДА Скопје на последната седница на Собранието одлучија да почне постапката за преземање на „Макпетрол“ АД Скопје. „Оилко“ во моментов поседува 22,8 проценти од вкупниот број обични акции во „Макпетрол“ и сака да ги презеде останатите акции по цена од 67.001 денар за акција. Понудата за преземање се однесува на 72.644 обични акции со право на глас, издадени од ,,Макпетрол“ А.Д. - Скопје, кои не се во сопственост на „Оилко“ и физичките лица кои дејствуваат заеднички со него.
„Макпетрол“ има издадено 112.382 обични акции со право на глас, од кои 11.238 се сопствени акции без право на глас, а 28.500 обични акции, со право на глас, се во сопственост на „Оилко“ и физичките лица кои дејствуваат заеднички со него.
Во понудата за преземање, се утврдува праг на успешност од 50.000 обични акции со право на глас, што претставува 44,49 проценти од вкупниот број обични акции со право на глас издадени од „Макпетрол“. Рокот за прифаќање на понудата е утврден на 28 дена, од денот на објавувањето на понудата за преземање.
Прочитај повеќе
„Оилко“ ќе се задолжи кај „Комерцијална“ и „Халк банка“ за преземањето на „Макпетрол“
Се предвидува компанијата да се задолжи во „Комерцијална банка“ АД Скопје до максимален износ од 3.259.532.386 денари (53 милиони евра).
27.12.2023
„ОИЛКО“ сака да го преземе „Макпетрол“
Собранието на акционери на ОИЛКО на седница зажана за 20 јанури ќе решава за предлог одлуката за преземање на „Макпетрол“
21.12.2023
Андреја Јосифовски повторно ја зголеми сопственоста во „Макпетрол“
Јосифовски фигурира како еден од поголемите акционери во „Оилко“ каде што поседува 14,98 проценти од акциите
31.08.2023
Андреја Јосифовски ја зголеми сопственоста во „Макпетрол“
Најголеми акционери во компанијата и понатаму се „Оилко“ и „Макпетрол“
20.07.2023
За оваа зделка, се предвидува „Оилко“ да ибезбеди банкарска гаранција од „Комерцијална банка“ АД Скопје до максимален износ од 3.259.532.386 денари (53 милиони евра) за навремено намирување на паричните обврски спрема сопствениците на обични акции со право на глас од „Макпетрол“, кои ќе ја прифатат понудата за преземање. Исто така се предвидува „Оилко“ да обезбеди банкарска гаранција и од „Халк банка“ АД Скопје до максимален износ од 1.612.713.333,00 денари (26,2 милиони евра).
Инаку, меѓу акционерите кои поседуваат над пет проценти во „Оилко“ е Андреја Јосифовски, прв човек на „Макпетрол“. Тој поседува 14,98 проценти од акциите во „Оилко“ каде поголеми акционери се „Макпетрол“ (35,61 процент од акциите) и „Оилко“ која поседува 5,99 проценти од обичните акции. Од друга страна, „Макпетрол“ поседува десет проценти од вкупниот број сопствени акции и освен „Оилко“ нема друг поголем акционер кој има над пет проценти од акциите.
