.webp){kind=icon}
Берзите добија на вредност поради оптимизмот на инвеститорите дека најлошиот пад за оваа година можеби е завршен. Инвеститорите ги поздравија и објавените квартални деловни резултати на компаниите. Сепак, загриженоста за глобална рецесија поради зголемените каматни стапки, енергетските предизвици во Европа, пандемијата на Ковид-19 во Кина и проблемите во секторот на недвижности, останува во позадина.
Индексот S&P 500 на 500 најголеми американски компании доби 2,7 отсто, што е најголем дневен скок од почетокот на јуни. Технолошкиот индекс Nasdaq, исто така, го заврши денот на зелено, со скок за 3,1 отсто по веста на „Нетфликс“ (Netflix) дека загубата на претплатници во вториот квартал е помала од очекуваното. Индексот Дау Џонс (Dow Jones) порасна за 2,4 отсто.
Откако загуби повеќе од милион клиенти во првата половина на 2022 година, Netflix упати порака до инвеститорите: можеше да биде и полошо.
Прочитај повеќе
'Нетфликс' преку Азија ќе го зголемува бројот на претплатници
Азиско-пацифичкиот регион учествува со 15 отсто во бројката од 221,6 милиони глобални претплатници
28.06.2022
Лидерот во платен стриминг изгуби 970.000 претплатници во вториот квартал, се вели во соопштението од вторникот. Тоа е помалку од половина од бројката што го плашеше Волстрит, во голема мерака благодарение на новата сезона на „Stranger Things“, најпопуларната серија на сервисот на англиски јазик.
„Зборуваме за губење милион наместо 2 милиона, нашата возбуда е намалена од помалку лошите резултати“, рече претседателот Рид Хестингс. „Но, гледаме напред, стримингот функционира насекаде. Сите се слеваат во него“.
Тоа ги развесели инвеститорите, кои ги зголемија акциите за дури 12 отсто во продолженото тргување. Овој квартал, Netflix очекува да регистрира милион претплатници. Иако тоа е многу помалку од прогнозите за 1,83 милиони во овој период, ги ублажува загубите од првата половина.
Акциите на Netflix скокнаа до 225 долари во продолженото тргување. Тие се затворија на 201,63 долари во Њујорк во вторникот, што е пад од 67 отсто годинава.
И покрај загриженоста за зголемената конкуренција и потенцијалната рецесија, Netflix останува уверен во својата позиција. Компанијата соопшти дека нејзиниот удел во вкупното ТВ гледање во САД достигнал највисоко ниво на сите времиња во јуни на 7,7 отсто.
