Профитот на „Уникредит“ (UniCredit SpA) ги надмина очекувањата на аналитичарите, па заемодавецот успеа да го зголеми износот што ќе им го исплати на акционерите на 8,6 милијарди евра.
Втората по големина банка во Италија забележа нето-добивка од 2,81 милијарди евра во последниот квартал од 2023 година, речиси трипати повеќе од очекувањата на аналитичарите анкетирани од „Блумберг“. Причина се повисоките приходи и помалите резервации за проблематични кредити. Банката ќе ја распредели целата добивка на акционерите.
Откако дојде на чело на компанијата, генералниот директор Андреа Орсел има корист од повисоките каматни стапки од централните банки. Иако периодот зад нас ѝ овозможи на „Уникредит“ да им понуди на инвеститорите највисок поврат на капитал во регионот, сега и тие се соочуваат со побавен економски раст, а каматните стапки повеќе нема да растат.
Андреа Орсел
Bloomberg Mercury
„Уникредит“ очекува дека годинашната добивка ќе биде слична на ланската. Аналитичарите прогнозираат дека добивката во 2024 година ќе изнесува околу 7,6 милијарди евра.
Банката од Милано од 2021 година на своите акционери им исплати речиси 18 милијарди евра, како преку дивиденди, така и преку откуп на акции, со што го исполни планот за крајот на 2024 година една година пред крајниот рок.
Почнувајќи од годинава, банката ќе воведе полугодишна исплата на дивиденда, а планира да исплати околу 90 отсто од нето-добивката. Ако на тоа се додаде и откупот на акции, исплатите за акционерите ќе достигнат 10 милијарди евра во 2024 година, соопшти банката.
.webp){kind=icon}
