Конзорциумот за батерии за електрични автомобили предводен од „Стелантис“ (Stellantis NV) и „Мерцедес-бенц“ (Mercedes-Benz Group AG) е блиску до собирање 4,4 милијарди евра за финансирање на експанзијата во Европа, велат познавачи на ова прашање.
„’Аутомотив селс компани’ (Automotive Cells Company SE / АCC) е во разговори со голем број банки и може да објави договор за долг во наредните денови“, изјавија изворите, кои сакаа да останат анонимни. Засега нема цврста гаранција дека ќе се постигне овој договор.
„AЦЦ ќе ги искористи парите за да ја прошири својата постојна фабрика во Франција и да финансира планови за слични капацитети во Германија и во Италија“, велат изворите. Конзорциум на комерцијални банки како што е „БНП Парибас“ (BNP Paribas SA) и државни банки како што е „Бпифранс“ (Bpifrance) би можеле да го поддржат пакетот за задолжување, велат упатените.
Фабриките за батерии се клучни во напорите на Европа да воспостави локален синџир за снабдување со електрични возила за да се спротивстави на азиската доминација. Производителите на автомобили во регионот се обидуваат да обезбедат долгорочни доставувачи на батерии додека ги преуредуваат своите фабрики за производство на електрични возила.
„Стелантис“ и „Мерцедес“ исто така планираат постепено да ги зголемуваат своите акции во АЦЦ со модифицирање на уделот на третиот партнер во потфатот, „Сафтс тотал енерџис“ (Saft's TotalEnergies SE), рече еден од изворите.
„Стелантис“ и AЦЦ одбија да коментираат. Претставниците за медиумите од „Мерцедес“ и „Тотал енерџис“ не одговорија веднаш на барањата за коментар, надвор од редовното работно време.
AЦЦ планира да инвестира седум милијарди евра во раната фаза на развој. Компанијата ја отвори својата прва голема фабрика минатиот мај во Дуврин, Франција, гради фабрика во Кајзерслаутерн, Германија, и има планови да отвори трет капацитет во Термоли, Италија.
Иако развојот на фабриките за батерии во Европа се забрзува, континентот останува зависен од Кина за снабдување. По години на експоненцијален раст, растот во сегментот за електрични возила забави во последниве месеци, предизвикувајќи загриженост во однос на транзицијата.
AЦЦ се соочува со конкуренција како шведскиот „Нортволт“ (Northvolt AB), производител на батерии основан од поранешни извршни директори на „Тесла“ (Tesla Inc.), „Фолксваген“ (Volkswagen AG) и БМВ (BMW).
.webp){kind=icon}
