.webp){kind=icon}
Основниот профит на „Рио Тинто“ падна за 12 отсто, на 11,8 милијарди долари во 2023 година, бидејќи побарувачката за индустриски производи од неговиот најголем клиент Кина не успеа да го достигне нивото од пред пандемијата.
Заработката на компанијата во голема мера беше во согласност со просечната процена на аналитичарите од 11,7 милијарди долари. Компанијата ќе исплати конечна дивиденда од 2,58 долари по акција, во споредба со 2,25 долари една година порано, се наведува во соопштението на најголемиот светски гигант за ископ на железна руда.
Цените на железната руда беа непроменети за време на периодот на заработка, додека материјалот за производство на челик неделава падна на најниско ниво во последните три месеци поради зголемената загриженост дека побарувачката за челик во Кина нема силно да закрепне по лунарната Нова година. Разочарувачкото закрепнување по пандемијата во Кина, најголемиот потрошувач на метали, ја ослабе побарувачката за индустриски производи.
Bloomberg
„Ние ќе продолжиме да плаќаме атрактивни дивиденди и да инвестираме во долгорочната сила на нашиот бизнис додека растеме во секторот за материјали потребен за да се декарбонизира светот“, рече извршниот директор Јакоб Стаушолм.
„Рио Тинто“ соопшти дека има нето оштетување од 700 милиони долари, главно поврзано со неговите австралиски рафинерии.
„Ова беше поттикнато од предизвикувачките пазарни услови со кои се соочуваат овие средства, заедно со нашето поголемо разбирање за капиталните барања за декарбонизација и неодамнешната законска ескалација на трошоците за јаглерод“, соопшти компанијата.
