.webp){kind=icon}
Компанијата „Рајанер“ предупреди дека би можела да биде принудена да го укине својот распоред во шпицот на летната сезона на патување поради нови доцнења во испораките на авиони од „Боинг“.
„Ирскиот авиопревозник може да добие помалку од 40 авиони ’боинг 737 макс’ пред крајот на јуни“, изјави главниот извршен директор Мајкл О’Лири. Недостигот од авиони ќе го принуди ’Рајанер’ да ја намали својата годишна прогноза за патници на 200 милиони луѓе од 205 милиони за претстојната фискална година“, рече тој на брифингот за медиумите во Даблин.
„Недостигот од авиони најверојатно ќе ги зголеми европските цени летово“, додаде О’Лири, бидејќи конкурентите како „Визер“ и „Луфтханза“ треба да го решат проблемот со моторот на некои авиони на „Ербас“.
„Ние ги правиме нашите буџети врз основа на зголемување на цената од пет до десет отсто“, рече О’Лири. „Спред мене, тоа е некако разумно“.
Минатиот месец „Рајанер“ остана „разумно уверен“ дека „Боинг“ ќе испорача 50 нови авиони до лето, откако катастрофата на почетокот на јануари речиси го принуди американскиот производител на авиони да го забави производството. Авиокомпанијата првично требаше да земе 57 авиони „макс“ помеѓу летото 2023 и 2024 година.
„Нашиот раст е ограничен бидејќи во овој момент не знаеме точно колку авиони ќе добиеме од ’Боинг’“, рече О’Лири. „Мислам дека 40 изгледа како најреална бројка, но таа е намалена од 50 во последните две недели“.
Bloomberg Mercury
Криза во „Боинг“
„Рајанер“ заработува најголем дел од своите пари во летната сезона, а намалувањето на распоредот значи помал приход. О’Лири рече дека авиопревозникот го засновал своето планирање на очекувањата дека ќе добие 50 авиони и дека ќе мора да направи некои кратења на распоредот ако не добие најмалку 40 до март, неговата фискална година.
„Постои дебата со ’Боинг’ за тоа дали имаме право на компензација за овие одложени испораки“, рече О’Лири.
Акциите на „Рајанер“ се зголемија за 0,5 отсто во 8.21 часот во Даблин. „Боинг“ изгуби 23 отсто годинава.
Инцидентот со „боинг 737 макс“ минатиот месец доведе до засилен преглед на квалитетот на производството кај американскиот производител на авиони. Американските регулатори му забранија на „Боинг“ да го зголеми производството на „макс“ и испратија инспектори во фабриките на „Боинг“ за да ги разгледаат неговите контроли за квалитет и оние на доставувачот што го прави најголемиот дел од трупот на моделот.
Минатата недела „Боинг“ објави дека го сменил Ед Кларк, шеф на програмата „737 макс“. Кејти Рингголд го наследува, додека шефицата на производство Елизабет Лунд е назначена за виша потпретседателка за квалитет во „Боинг комерцијални авиони“.
О’Лири рече дека не е задоволен од промените, велејќи дека „Боинг“ треба да има едно лице одговорно за производство на „737“ без недостатоци во квалитетот.
