text size
„Реплек“ АД Скопје во текот на минатата година оствари добивка од 280,6 милиони денари( 4,5 милиони евра), што е зголемување за 242 проценти во однос на претходната година кога добивката на компанијата изнесувала 81,9 милиони денари (1,3 милиони евра), покажува консолидираниот биланс на успех на компанијата објавен преку Македонската берза.
Оттаму информираат дека консолидираната оперативна добивка на групацијата „Реплек“ лани изнесувала 307,5 милиони денари (пет милиони евра) и истата бележи раст од 194 проценти во однос на 2022 година.
Оперативните приходи изнесуваат 1,8 милијарди денари и се зголемени за 37 проценти во однос на претходната година, додека оперативните расходи изнесуваат 1,6 милијарди денари и бележат зголемување од 30 проценти.
Прочитај повеќе
„Реплек“ има рецепт за приходите и добивката
Консолидираната добивка пред оданочување изнесува 129.508 илјади денари (2,1 милион евра) и бележи зголемување за 190 отсто
31.10.2023
Кои македонски менаџери купуваат акции во своите компании?
Во деловниот свет купувањето акции на една компанија е знак за доверба на менаџментот во успехот на компанијата.
06.10.2023
„Реплек“ го доби сертификатот за највисоки производствени стандарди на ЕУ
Овој сертификат е услов за влез на пазарот на ЕУ.
20.09.2023
„Реплек“ значително ги зголеми приходите од продажба
Приходите од продажба на странски пазар учествуваат во вкупните приходи од продажба во сегментот фармација со 82 проценти
13.07.2023
Приходите од продажба како дел од вкупните оперативни приходи изнесуваат 1,5 милијарди денари (25,8 милиони евра) и бележат раст од 27 проценти во однос на претходната година.
Од „Реплек“ објаснуваат дека во 2023 има промена во структурата на приходи односно приходите од дејност трговија на разни стоки и угостителски дејности се прекинати целосно во јануари 2023 и истите се заменети со пасивни приходи од наемнина.
„Стратешки фокус на „Реплек“ АД е сегментот фармација. Консолидирани приходи од продажба на сегмент фармација изнесуваат 1,5 милијарди денари (25,1 милиони евра) и бележат раст за 42 проценти во однос на минатата година“, соопшти компанијата.
Од „Реплек“ посочуваат дека приходите од продажба на странски пазар лани се зголемени за 43 проценти, а приходите од продажба на домашен пазар во сегментот фармација се зголемени за 37 проценти во однос на 2022 година.
„Приходите на продажба кај трговија на разни стоки и угостителски услуги кои се реализирале преку „Реплек Маркет“ се намалени за 75 проценти во однос на минатата година поради прекинување на угостителски услуги во мај 2022 година и дејноста трговија на разни стоки во јануари 2023 година, а истите се заменети со пасивни приходи од наемнина“, објаснуваат од компанијата.
Инаку, „Реплек“ предвидува структуирање на вкупните приходи од продажба така што три четвртини произлегуваат од извозната активност, додека една четвртина се реализира на домашниот пазар.
„Планот за реализиран промет во сегмент фармација за 2023 е целосно исполнет, и благо надминат со 100,5 проценти реализација во однос на поставениот таргет“, наведуваат од компанијата.
Минатата година повеќе од 70 нови колеги се приклучиле на тимот на „Реплек“.
„Бизнис планот за 2024 година предвидува консолидирани продажби во износ од 31 милион евра со проектиран нето профит од минимум 3,5 милиони евра, што претставува 24 проценти раст на продажбата и 36 проценти раст на добивката во однос на реализираните резултати во 2023 година“, информираат од компанијата.
.webp){kind=icon}
