Групацијата „Европа“ во текот на минатата година оствари нето-добивка од 36,7 милиони денари (597.000 евра), што е намалување во однос на претходната година кога добивката на компанијата изнесувала 45,2 милиони евра (735.000 евра), покажува консолидираниот биланс на успех на компанијата објавен преку Македонската берза.
Од компанијата информираат дека вкупните оперативни приходи за 2023 година се зголемени за 6,7 проценти во однос на 2022 година.
„Другите приходи се намалени за 27,4 проценти, а кај финансиските приходи зголемувањето е 14,7 проценти во однос на 2022 година“, информираат од компанијата.
Оттаму додаваат дека вкупните расходи се зголемени за пет проценти во однос на минатата година. Оперативните расходи во 2023 година се зголемени за пет проценти, а финансиските расходи се намалени за 34 проценти во однос на 2022 година.
.webp){kind=icon}
