„Дајмлер“ и „Волво“ ќе се соочат со повторно судење во случајот со картелско местење на цените вреден 560 милиони евра (603 милиони долари), одлучи германскиот апелациски суд.
Судиите во Минхен ја поништија претходната пресуда со која случајот беше отфрлен што овозможи производителите на камиони да им наплаќаат повеќе на клиентите за нивните возила. Единицата МАН на „Фолксваген“ и „Ивеко“ се исто така меѓу обвинетите.
Од „Дајмлер“ велат дека не се согласуваат со пресудата и може да поднесат жалба по темелно разгледување на писмената пресуда. Тврдењата се неосновани, додаваат од компанијата. „Волво“, „Ивеко“ и МАН не одговорија веднаш на барањето за коментар.
Тужбата се однесува на група случаи, а е поднесена од „Фајненшелрајт“ (Financialright GmbH) во име на 3.000 компании кои сметаат дека плаќале премногу за нивните камиони бидејќи цените биле фиксни. Во 2020 година, понискиот суд пресуди дека моделот на откуп на побарувањата на „Фајненшелрајт“ не е легален. Апелацискиот суд ја коригирал таа одлука, дозволувајќи случајот повторно да се отвори во основниот суд.
Обвинителите се потпираат на наодите од Европската унија, која ги таргетираше производителите на камиони во антимонополска истрага. Истрагата на ЕУ покажа дека тие ги фиксирале цените на средните и тешките возила 14 години, што доведе до големи казни во 2016 и 2017 година. Оттогаш, голем број големи клиенти ги тужеа производителите кои бараат оштета во различни земји на ЕУ.
Во тужбата првично се бараа 867 милиони евра за повеќе од 3.200 компании. Во меѓувреме таа е намалена и по бројот на тужби и по бараната сума.
.webp){kind=icon}
