.webp){kind=icon}
НЛБ Банка во првите три месеци од годинава оствари добивка од 678 милиони денари (11 милиони евра), што претставува намалување за 15,5 отсто во однос на остварената нето – добивка истиот период претходната година покажува неревидираниот неконсолидиран успех на банката објавен преку Македонската берза. Од банката информираат намалувањето се должи на пресметани исправки на вредноста на финансиските средства и посебната резерва за вонбилансната изложеност заклучно со 31.03.2024 година.
Пласманот на вкупните кредити и обезбедувајќи раст од 7,0 отсто во овој сегмент, споредено со истиот период претходната година. И вкупните депозити споредно со истиот период претходната година, бележат зголемување за 5,3 проценти.
За наредниот период, од НЛБ Банка нагласуваат дека се очекува да се одржи макроекономската стабилност на државата, како резултат на забавувањето кај инфлација и умерениот раст на бруто домашниот производ. Позитивно влијание се очекува и од движењата кај каматните стапки на меѓународните и домашните финансиски пазари и респонзивноста на фискалната и монетарната политика кои се значајни за одржување на ликвидноста на компаниите, доходот на домаќинствата и севкупната економска активност. Сепак, неизвесноста за идната макроекономска стабилност и понатаму постои преку ризиците поврзани со глобалните фактори и геополитички случувања.
„Во вакви околности НЛБ Банка и понатаму делува во насока на поддршка на приватниот сектор во земјата, со што има значаен придонес во макроекономскиот и финансискиот амбиент на државата. Притоа, Банката и понатаму ја има водечката позиција во полето на дигитализацијата, технолошките иновации, примената на вештачката интелигенција и силната посветеност кон заштита на животната средина и социјалните аспекти“ укажуваат од НЛБ Банка
Од банката очекуваат дигитализацијата во НЛБ Банка да се зајакнува преку унапредување на капацитетите на дигиталните канали со што се обезбедува повисоко ниво на достапност на банката и подобро искуство на клиентите како и поддршка на клиентите преку зајакнување на улогата на контакт-центарот.
„НЛБ Банка ги препознава ризиците од климатските промени и проактивно ги акцентира „ЕСГ – зелените кредити“ – кредитирање во области за производство на електрична енергија од обновливи извори, намалување на загадувањето и подобрување на животната средина.“ стои во соопштението
Дополнителен фокус е ставен и на проширување на палетата на производи и услуги преку продажбата на различни банкарски и небанкарски производи и зголемување на квалитетот на услугите со што се очекуваат уште подобри резултати во клучните сегменти од работењето на банката.
