Откако „Мета“ (Meta), „Мајкрософт“ (Microsoft) и „Алфабет“ (Alphabet) објавија солидни резултати во вториот квартал, инвеститорите беа воодушевени и од „Амазон“ (Amazon) и „Епл“ (Apple). И двата гиганта остварија повеќе приходи отколку што очекуваа аналитичарите, а акциите пораснаа.
Apple (APPL)
Приходите во вториот квартал се зголемија за два отсто, на 83 милијарди долари. Просечната прогноза на аналитичарите беше 82,8 милијарди долари. Заработката достигна 1,20 долари по акција, надминувајќи ја консензуалната проценка од 1,16 долари по акција.
Apple изненади со силните бројки за продажба на „ајфон“ (iPhone) и „ајпад“ (iPad), додека приходите од услугите ги пропуштија прогнозите на аналитичарите. iPhone генерира приходи од 40,7 милијарди долари минатиот квартал, надминувајќи ги проценките за нешто помалку од 2 милијарди долари. Компанијата остварила 19,6 милијарди приходи од продажба на услуги (Apple Music, AppleTV, iCloud...), добри осум милијарди долари дошле од продажба на други производи како слушалки, а 7,4 милијарди долари приход биле остварени од продажба на персонални компјутери Mac и 7,2 милијарди од продажбата на iPad.
Компанијата најави дека малку ќе ги намали вработувањата и некои трошоци до 2023 година, во светло на заладувањето на глобалната економија.
„Овој квартал на крајот е одраз на нашата издржливост и нашиот оптимизам“, рече извршниот директор на Apple, Тим Кук, на конференциска врска со аналитичарите. „Гледајќи напред, јасно гледаме несигурности во макро опкружувањето“, додаде тој.
Акциите на Apple вчера поскапеа за 0,36 отсто.
Bloomberg
Амазон (AMZN)
Продажбата на Amazon се зголеми за 7,2 отсто на 121,2 милијарди долари во вториот квартал. Amazon соопшти дека имал нето загуба од 2 милијарди долари, главно поради повисоките трошоци и инвестицијата во производителот на електрични возила Rivian Automotive. Компанијата ги зголеми приходите во областа на стриминг содржините, облак услугите и рекламирањето. Гигантот за е-трговија соопшти дека очекува раст од 13 до 17 проценти во третиот квартал.
„И покрај повисоките трошоци за гориво, енергија и транспорт, напредуваме кон подобро контролирање на трошоците, особено подобрување на продуктивноста на нашата мрежа за испорака“, посочи извршниот директор на Amazon, Енди Џеси во изјавата. Споредено со првиот квартал од оваа година, Amazon го намали бројот на вработени за околу 100.000, на 1,52 милиони.
„Подобрите од очекуваните резултати за вториот квартал и оптимистичките насоки за продажба во третиот квартал сугерираат дека Amazon е добро позициониран да издржи инфлациски притисоци и да ги зголеми приходите на сметка на побогатите клиенти. Ова е во контраст со 'Волмарт' (Walmart), каде што потрошувачите се префрлаат во категориjaта на помали маржи“, ги коментираше резултатите Пунам Гојал од Bloomberg Intelligence.
Акциите на Amazon пораснаа за 1,08 отсто од објавувањето на резултатите.
.webp){kind=icon}