„Тојота“ (Toyota Motor Corp.) претстави прототип на мотори со внатрешно согорување што можат да работат на водород, заедно со бензин и други горива, во обид да ги популаризира алтернативните технологии за намалување на емисиите на јаглерод.
Најголемиот светски производител на автомобили, заедно со „Мазда“ (Mazda Motor Corp.) и „Субару“ (Subaru Corp.), соопшти дека бележи напредок во развојот на помали, поефикасни мотори компатибилни со системи за производство на електрични возила (ЕВ) и способни да ги исполнат строгите регулативи за емисии.
Поттикнати од големата продажба на хибридни автомобили, „Тојота“ и нејзините партнери велат дека моторите со внатрешно согорување имаат важна улога дури и кога индустријата се префрла на електрични возила со батерии поради глобалните притисоци за декарбонизација.
Прочитај повеќе
„Тојота“ е производител број 1 четврта година по ред
Компанијата во вторникот објави дека продала 11,2 милиони автомобили.
30.01.2024
Расте продажбата на возила во земјава, секторот пред нови предизвици
Годинава во земјава влегле 5.845 нови патнички автомобили, што е најмногу во последните пет години.
03.08.2023
За електрични возила: „Тојота“ издаде ЕСГ-обврзници во САД
Со оваа понуда јапонскиот производител сака да го финансира производството на електрични возила.
07.07.2023
Главниот научник на „Тојота“ предупредува за прерано отфрлање на бензинците
Пребрзиот премин кон електрични возила може да ги натера возачите да се држат до старите бензинци.
18.05.2023
Јапонските производители долго време беа критикувани поради нивната неподготвеност целосно да ја прифатат електрификацијата, додека БЈД (BYD Co.) и „Тесла“ (Tesla Inc.), компанијата на Илон Маск, преземаат водечка улога во ерата на електрични возила со батерии.
„За да станеме јаглеродно неутрални, најважно е да се намалат емисиите“, рече извршниот директор на „Тојота“, Коџи Сато, на заедничкиот брифинг со директорите на „Мазда“ и на „Субару“ во вторникот. „Она што ни треба е мотор што може ефикасно да користи различни видови гориво“.
Компанијата во понеделникот соопшти дека спроведува студија со нафтената компанија „Идемицу Косан“ (Idemitsu Kosan Co.), производителот на тешки машини „Мицубиши хеви индустрис“ (Mitsubishi Heavy Industries Ltd.) и рафинеријата за нафта „Енеос“ (Eneos Holdings Inc.), со цел да се воведат јаглеродно неутрални горива во Јапонија до 2030 година.
Сепак, годината обележана со рекордно производство, оперативен приход и цени на акциите ѝ даде на „Тојота“ динамика и пари потребни да го исполни ветувањето дека ќе пушти милиони електрични возила со батерии во следните неколку години.
Минатата година Сато вети дека „Тојота“ ќе продава 1,5 милион електрични возила со батерии годишно до 2026 година и 3,5 милиони до 2030 година. Компанијата произведе и продаде дури 11 милиони возила во 2023 година. Со тоа го престигна „Фолксваген“ (Volkswagen AG) и го консолидира статусот на светски производител на автомобили број еден - четврта година по ред.
И покрај плановите за развој на нови мотори, „Тојота“ соопшти дека останува посветена на електричните возила. Претходно месецов компанијата порача дека ќе потроши дополнителни 500 милијарди јени (3,2 милијарди долари) за истражување и развој за декарбонизација и развој на софтвер од следната генерација.
.webp){kind=icon}
