.webp){kind=icon}
„Витаминка“ АД Прилеп за периодот јануари-јуни 2022 година оствари добивка од 20,6 милиони денари, што е зголемување од 20 проценти во однос на истиот период минатата година кога добивката на компанијата изнесувала 17,2 милиони денари, покажува неревидираниот биланс на успех на компанијата објавен преку Македонската берза.
Остварените единечни вкупни приходи за првото полугодие во 2022 година изнесуваат 1.886.576.000 денари и во споредба со остварените во првото полугодие во 2021 година бележат пораст од 42 проценти. Во структурата на вкупните приходи најголемо учество, 98 проценти, имаат приходите остварени од продажба на производи и услуги од основна дејност, кои во споредба со остварените во 2021 година за извештајниот период бележат пораст од 41 проценти.
Остварените единечни вкупни расходи за првото полугодие во 2022 година изнесуваат 1.963.649.000 денари и во споредба со остварените во првото полугодие во 2021 година бележат раст од 51 проценти.
Прочитај повеќе
„Витаминка“ ќе произведува и струја за да биде енергетски независна
„Витаминка“ влегува во голема инвестиција за производство на електрична енергија за да стане енергетски независна.
28.07.2022
„Растот на вкупните расходи е во корелација со оперативното работење за 2022 година за извештајниот период и континуираниот раст на цените на репроматерјалите во меѓународни рамки, предизвикани од високата инфлација и воениот конфлит во Украина“, соопшти компанијата.
Вкупните инвестиции во основни средства за првото полугодие во 2022 година изнесуваат 57.895.000 денари. Генерално инвестицијата се однесува на купувањето на опремата, недвижен имот и градежно адаптирање.
Вкупните единечни обврски по долгорoчни кредити на 30.06.2022 година изнесуваат 1.186.849.000 денари и во споредба со состојбата на 31.12.2021 година 969,859.000 денари бележат зголемување од 22 проценти.
