„Мета“ доби шлаканица од ЕУ за моделот без реклами на Инстаграм и Фејсбук

„Мета платформс“ (Meta Platforms Inc.) доби „шлаканица“ со предупредувањето од Европската Унија за нејзиниот модел на претплата за пакетот услуги што е без реклами на Инстаграм и Фејсбук и е во ризик од потенцијално високи казни. Ова е последен од ударите на Унијата врз „биг тек“ (big tech), што пак е дел од строгите нови правила.

Регулаторите на ЕУ во понеделникот објавија дека таканаречената политика за плаќање или согласност е во спротивност со Законот за дигитални пазари на ЕУ, бидејќи новиот модел „ги принудува корисниците да се согласат за комбинација на нивните лични податоци“, додека не им се нуди помалку персонализирана верзија на Фејсбук и Инстаграм.

„Нашиот прелиминарен став е дека рекламниот модел на ’Мета’ не е во согласност со Законот за дигитални пазари“, рече Маргрете Вестагер, шефица на антимонополската комисија на Европската комисија. „Сакаме да ги поттикнеме граѓаните да можат да преземат контрола врз сопствените податоци и да изберат помалку персонализирано искуство со реклами“.

ДМА (од англиски: Digital markets act е револуционерен европски закон, чија цел е да ги спречи големите онлајн платформи што ги поврзуваат потрошувачите со содржина, стоки и услуги да ја злоупотребат нивната пазарна моќ) објави серија работи што треба или не треба да се прават за некои од најголемите светски технолошки платформи. Потегот на ЕУ е прелиминарен чекор. Но евентуалните казни за прекршување може да бидат високи до 10 отсто од глобалниот годишен приход или 20 отсто за повторени прекршувања.

„Мета“ во ноември воведе посебни верзии на Фејсбук и Инстаграм без реклами, за да го спречи растечкиот регулаторен притисок врз обработката на личните податоци на корисниците. Компанијата во соопштението рече дека новиот модел е во согласност со ДМА и дека компанијата се радува на „понатамошниот конструктивен дијалог со Европската комисија за да се заврши оваа истрага“.

Според правилата на ЕУ, технолошките фирми мора да бараат согласност од корисниците за комбинирање на нивните лични податоци преку услугите на платформата. Доколку корисникот одбие таква согласност, тој треба да има пристап до помалку персонализирана верзија. Комисијата вели дека лајковите на „Мета“ не можат да го условуваат користењето на Фејсбук или Инстаграм со согласност на корисниците.

Предупредувањето на регулаторот на ЕУ доаѓа само една недела откако издаде слична жалба против усогласеноста со ДМА на „Епл“ (Apple Inc.), предупредувајќи го производителот на ајфон (iPhone) дека мора да им дозволи на развивачите на апликации да ги насочуваат корисниците кон поевтини зделки и понуди надвор од Епстор (App Store) во согласност со правилата.

Како дел од ДМА, незаконски е одредени услуги управувани од „Епл“ (Apple), „Гугл“ (Google), „Мета“ (Meta), „Мајкрософт“ (Microsoft Corp.) и „Амазон“ (Amazon.com Inc.) на „Алфабет“ (Alphabet) да ги фаворизираат сопствените услуги пред оние на ривалите. Ним им е забрането да комбинираат лични податоци низ нивните различни услуги, забрането им е да користат податоци што ги собираат од трговци од трети страни за да се натпреваруваат против нив и треба да им дозволат на корисниците да преземаат апликации од ривалските платформи.