„Тесла“ го одложува лансирањето на роботакси кое беше планирано за октомври за да им даде на тимовите кои работат на проектот повеќе време да изградат дополнителни прототипови, велат извори запознаени со одлуката.
Анонимни извори велат дека информацијата е споделена со неколку луѓе во компанијата, што значи дека лансирањето ќе биде одложено за два месеци. Според изворот, на дизајнерскиот тим му било кажано оваа недела да смени одредени елементи на автомобилот.
Извршниот директор на компанијата, Илон Маск, пред неколку месеци најави дека роботакси ќе биде претставено на 8 август, а за неговиот оптимизам придонесе и единаесетдневната серија на добивки кои додадоа повеќе од 257 милијарди долари на пазарната капитализација на „Тесла“ Акциите паднаа за 8,4 отсто во четвртокот, што е најголем пад од јануари.
Маск не одговори на барањата за коментар.
Акциите на потенцијалниот конкурент, „Убер“ и „Лифт“ пораснале. Акциите на „Убер“ се зголемија за 6,1 отсто во четвртокот, а акциите на „Лифт“скокнаа за 4,6 отсто.
Идејата за создавање автономна такси услуга постои во „Тесла“ со години и датира од времето кога Маск го напиша вториот „мастер план“ за компанијата во 2016 година. Извршниот директор даде приоритет на овој проект во последните месеци пред проектот за работа на електрично возило - лимузина „Модел 3“, поевтина од најприфатливиот автомобил на „Тесла“.
Повеќе од една деценија, Маск ја промовираше работата на „Тесла“ за технологијата на автономни возила и ги убеди клиентите да платат илјадници долари за пакет карактеристики што компанијата ги продава како „Фул селф драјвинг“ (Full Self-Driving), или „ФСД“. Сепак, „ФСД“ бара постојан мониторинг и не ја прави „Тесла“ автономна, но Маск и неговите инженери беа оптимисти за „ФСД“ во последните месеци, иако продажбата на возилата на компанијата е забавена.
„Тесла“ испорача 6,6 отсто помалку автомобили во првата половина од годината, и покрај тоа што компанијата направи нов модел – Сајбертрак. Производителот на автомобили, исто така, произведе 14 отсто помалку возила во вториот квартал од претходната година.
.webp){kind=icon}
