text size
Голем пакет акции од најголемата македонска хотелиерска компанија „Македонијатурист“ оди на продажба, по пат на јавна берзанска аукција што ќе биде организирана во среда следната недела.
Аукцијата на која се продаваат 44.449 обични акции на друштвото ја организира брокерското друштво „Еурохаус“ АД Скопје. Во пакетот практично се продава 9,83 отсто од основната главнина на друштвото, со почетна продажна цена од 9.800 денари по акција преку моделот „се или ништо“. Ако се продаде пакетот, купувачот треба да плати над 7 милиони евра. Денеска акцијата се тргуваше по максимална цена во последниот период од 7.480 денари.
Според акционерската книга моментално најголем поединечен акционер во компанијата е Доне Таневски, долгогодишен прв човек на компанијата, актуелен претседател на Надзорниот одбор, кој поседува 22,21 отсто од акциите.
Прочитај повеќе
Доне Таневски купи акции од „Македонијатурист“ за 866.000 евра
Тој сега поседува 21,50 проценти од главнината на друштвото.
22.05.2024
Продаден блок акции од „Македонијатурист“ за два милиона евра
Станува збор за 4,58 проценти од основната главнина на друштвото.
12.04.2024
„Македонијатурист“ неколкукратно ја зголеми добивката
Друштвото превзема низа мерки со цел намалување на негативните ефекти од зголемувањто на трошоците за струја.
28.02.2024
Централен депозитар за хартии од вредност
Впрочем Таневски годинава во неколку наврати ја зголеми сопственоста во компанијата. Тој е еден од најуспешните и најискусни бизнисмени во земјава кој во 2000 година го донесе „Холидеј ин“ во Скопје.
Форбс го вброи меѓу петте најбогати Македонци.
Во рамките на компанијата „Македонијатурист“ работат „Холидеј ин“, „Турист“, „Карпош“, „Јадран“, „Бристол“, „Белви“, „Водно“ и два ресторана.
Вкупните приходи на компанијата минатата година изнесуваат 5,6 милиони евра, а вкупната добивка по оданочување е 1,6 милиони евра.
.webp){kind=icon}
