Продаден блок акции од „Македонијатурист“ за два милиона евра

Во блок-трансакција вредна 127,3 милиони денари (два милиона евра) денеска на Македонска берза се продадоа 20.708 обични акции од „Македонијатурист“ АД Скопје.

Станува збор за 4,58 проценти од основната главнина на друштвото. Акциите се продадоа по цена од 6.150 денари (100 евра) за акција.

Инаку, според податоците на Централниот депозитар за хартии од вредност заклучно со 8 април годинава акционери кои поседуваат над пет проценти од акциите во компанијата се Сава пензиски фонд (8,80 проценти), Доне Таневски (19,59 проценти), Соња Бибановска (11,27 проценти) и „Македонијатурист“ (10 проценти)