По вчерашниот испад на РЕК Битола од македонскиот електроенергетски систем, во текот на ноќта и утрово комбинатот работи со еден блок, информираат од Електрани на Северна Македонија.
„Вчера доцна попладне во функција беше ставен Блок 1. Неочекуваниот испад на блокот поради прекин на напојувањето, предизвика проблем во котелот на Блок 1 заради што постројката во текот на денот ќе биде исклучена од мрежа. Се очекува санацијата на проблемот да заврши до понеделник, по што Блок 1 ќе биде повторно ставен во функција и РЕК Битола да продолжи со работи со два блока, велат оттаму.
Додаваат дека во тек се операции за пуштање на Блок 3 кои вчера беа прекинати поради испадот на 110 киловолтна станица на МЕПСО.
Прочитај повеќе
Топлотниот бран и запуштената инфраструктура се виновни за енергетскиот колапс
Во петокот околу 12:30 часот дошло до прекин на струја во Босна и Херцеговина, Хрватска и Црна Гора
21.06.2024
Колапс: Без струја делови на Хрватска, Бих и Црна гора
Како што пренесуваат регионалните медиуми, без струја е и Црна Гора
21.06.2024
„Постројката ќе биде ставена на мрежа во текот на денешниот ден. Ремонтот на Блок 2 на РЕК Битола се одвива непречено и согласно предвидената динамика“, информираат од Електрани на Северна Македонија.
Најновиот испад во РЕК Битола доаѓа во период на тропски температури кога е зголемена потрошувачката на струја.
Според податоците на ЕВН, кои ги објави порталот МКД, во четвртокот на 11 јули била регистрирана најголемата потрошувачка на струја, 16.267 mwh. Во периодот од 1 јули до 11 јули годинава пак потрошени се 155.973 mwh електрична енергија.
„Минатата година вкупната потрошувачка на електрична енергија, за периодот 1 јули до 11 јули 2023 изнесувала 134.493 mwh. Просечната дневна потрошувачка за тој период изнесувала 12.226 mwh“, велат од ЕВН за МКД. со тоа укажувајќи на фактот дека во изминативе денови од годинешниот месец јули значително е зголемена потрошувачката на струја.
.webp){kind=icon}
