.webp){kind=icon}
„Алианц“ (Allianz) даде понуда за стекнување на најмалку 51 проценти од сингапурската „Инком Иншуренс“ (Income Insurance Ltd.) во трансакција вредна околу 1,6 милијарди долари.
Планираната аквизиција значително ќе го зајакне присуството на „Алианц“ во Сингапур, се вели во соопштението на најголемиот европски осигурител. Понудата, направена преку подружницата „Алианц Јуропе“ (Allianz Europe BV), е предусловна со доброволна готовинска општа понуда од 40,58 сингапиурски долари по акција, се вели во соопштението. Трансакцијата е предмет на регулаторно одобрение.
„Предложената трансакција означува клучна пресвртница за „Алианц“ во нејзината стратешка амбиција да го прошири и зајакне своето присуство во Сингапур - важен пазар за „Алианц“, со оглед на неговиот статус како центар за финансиски услуги во Југоисточна Азија“, соопшти компанијата Алианц.
Оттаму додадоа дека „НТУЦ Ентерпрајс коператив“ ќе задржи значителен удел во „Инком Иншуренс“.
„Морган Стенли“ ги советува „Инком Иншуренс“ и НТУЦ за трансакцијата, рекоа луѓе запознаени со ова прашање. Претставник на „Морган Стенли“ не одговори веднаш на барањето за коментар.
Соопштението го потврди претходниот извештај на „Блумберг Њјуз“ (Bloomberg News).
„Инком Иншуренс“ е основана во 1970 година и има околу 1,7 милиони клиенти во Сингапур. Таа е назначена како една од четирите системски важни осигурителни компании во земјата.
