.webp){kind=icon}
„Стопанска банка а.д. Битола“ оствари добивка од 51,01 милиони денари (813.000 евра) во првото полугодие на 2024 година, што е значајно подобрување во однос на првото полугодие од 2023 година, кога работеше со загуба од 53,69 милиони денари (873.000 евра).
Оттаму информираат дека позитивниот финансиски резултат се должи на задржаниот висок оперативен резултат, засилената наплата на нефункционалното портфолио на банката, како и на пониското ниво на исправка на вредност на нефункционални пласмани во однос на претходната година.
Нето-приходите од камата во периодот 1.1.2024 - 30.6.2024 година се повисоки за 8,21 проценти во однос на истиот период од претходната година. Приходите од камати се повисоки за 11,19 проценти.
Прочитај повеќе
„Комерцијална банка“ почнува длабинска анализа на „Стопанска банка Битола“
Од анализата ќе зависи дали ќе се реализира најавениот интерес за преземање.
26.04.2024
Продаден блок акции од „Стопанска банка Битола“ за 753.000 евра
Истргувани 16.019 обични акции, што е 4,10 проценти од основната главнина на друштвото.
21.03.2024
„Комерцијална банка“ не се откажува од „Стопанска банка Битола“ и од странски инвеститор
Максимизирање на профитабилноста на работењето со преземање прифатливи ризици останува една од приоритетните цели на банката во претстојниот период.
28.02.2024
Антони Пешев избран за член на НО на Стопанска банка - Битола
Предлогот до Собранието на акционери го доставија Трајан Масалковски и „Форми Јорго“ ДООЕЛ Битола.
07.02.2024
„Преструктурирањето на активата на банката кон ликвидна актива се одвиваше во услови на поволни каматни стапки на пласманите на банката во инструменти на монетарната политика, државата и странските банки“, информираат од банката.
Од банката додвааат дека од друга страна, трендот на засилено штедење на населението во банката, којшто започнал во 2023 година, се одразил врз растот на расходите по камати, кои во првото полугодие на 2024 година се зголемиле за 21,55 проценти во однос на истиот период од претходната година.
Нето-приходите од провизии и надомести се пониски за 13,42 проценти споредено со првата половина од претходната година што се должи на зголемените тарифи на добавувачите на услуги на банката.
„По спроведување на процесот на дорезервации на портфолиото на банката, кој започна претходната 2023 година, исправката на вредноста на финансиските средства на нето-основа во периодот 1.1.2024 - 30.6.2024 година е значително пониска споредено со истиот период од 2023 година, и тоа за 62 проценти“, велат од банката.
Оттаму наведуваат дека трошоците за вработени се одржуваат на оптимално ниво, без поголеми промени на годишна основа.
„Активностите за оптимизација на трошоците резултираа со намалување на останатите расходи од дејноста за 15,82 проценти споредено со првата половина од 2023 година. Ваквиот начин на управување со билансот ја зајакна капиталната и ликвидносната позиција на банката“, велат од банката.
Стапката на адекватност на капиталот заклучно со 30.6.2024 година изнесува 24,57 проценти, додека учеството на ликвидната актива во вкупната актива достигна 43,42 проценти и истите се значајно над просечните нивоа регистрирани во банкарскиот сектор.
