Извршниот директор на Стопанската комора, Антони Пешев, е избран за член на Надзорниот одбор на Стопанска банка - Битола. Народната банка дала согласност на 22 јануари за назначување за член во Надзорниот одбор според соопштението на Македонската берза.
„Врз основа на одлуката од Собранието на акционери бр. 02-14927-1/II-3 од 30.10.2023 година и решението за издавање на претходна согласност од Народната банка на Република Северна Македонија бр. 15-2171/1 од 22.1.2024 година, за член на Надзорниот одбор на Стопанска банка а.д. Битола е назначен г. Антони Пешев.
Предлогот до Собранието на акционери во октомври претходната година го доставија Трајан Масалковски и друштвото за проектирање, производство, трговија и услуги „Форми Јорго“ ДООЕЛ Битола.
Двајцата предлагачи на Пешев поседуваат 5,25 отсто од вкупниот број на акции со право на глас во сопственичката структура на банката. Трајан Масалковски поседува 19.501 акција со право на глас, а друштвото „Форми Јорго“ 1.000 акции со право на глас.
Местото независен член на Надзорниот одбор на банката остана празно откако Миле Зечевиќ поднесе оставка.
.webp){kind=icon}
