„Делта ерлајнс“ (Delta Air Lines Inc.) се соочува со негативна последица од неодамнешниот технолошки крах, односно казна од 500 милиони долари. Проблем во „Мајкрософт“ (Microsoft) претходно овој месец предизвика откажување на илјадници летови, нарушувајќи ја репутацијата на авиокомпанијата.
Компанијата ја обелодени својата финансиска процена во средата во изјава за „Блумберг“ (Bloomberg), велејќи дека ангажирала адвокатска фирма зад која стои познатиот адвокат Дејвид Бојс.
„Си-ен-би-си“ (CNBC) претходно објави дека „Делта“ планира да бара компензација за прекинот на системот, цитирајќи ги коментарите на извршниот директор Ед Бастијан. Оваа бројка, пишува „Блумберг“, е во согласност со очекувањата на Волстрит и нагласува колку се големи последиците од ИТ-крахот што го наруши работењето на „Делта“ неколку дена; патниците останаа заглавени и дури беше поведена федерална истрага.
Прочитај повеќе
Од банкомати до летови, глобалниот ИТ-колапс остава трага на хаос
Аеродромските центри од Берлин до Делхи се мачеа со доцнења, откажувања и заглавени патници
20.07.2024
Глобалниот ИТ-колапс почувствуван и во Македонија
Недостапни неколку услуги на компанијата поради глобалниот проблем.
19.07.2024
Проблеми во „Мајкрософт“ ја нарушија работата на банки и авиокомпании на глобално ниво
Портпаролот на „Мајкрософт“ рече дека компанијата ги разгледува пријавените прекини и проблеми.
19.07.2024
Аналитичарите на „Ситигруп“ (Citigroup) веќе ги намалија процените за заработката на „Делта“ пред камати и даноци во тековниот квартал за околу 500 милиони долари.
Грешка во ажурирањето на софтверот на „Краудстрајк“ (CrowdStrike Holdings Inc.) доведе до широкораспространети прекини во системите на корпорацијата „Мајкрософт“, што ги наруши глобалните индустрии. Иако многу авиокомпании можеа многу брзо да закрепнат, откажувањата на летовите на „Делта“, по овој инцидент, се проширија до средината на следната недела.
Подолгото закрепнување на „Делта“ е, всушност, резултат на дефект во внатрешниот систем што се користи за обработка на промените во летовите и екипажот на тие летови. Тоа создаде дополнителен проблем, правејќи ја авиокомпанијата неспособна навремено да ги стави својот персонал и авионите целосно во функција.
Американското министерство за транспорт отвори истрага за справувањето на „Делта“ со прекинот минатата недела, а независната истражувачка компанија „Мелиус рисрч“ (Melius Research) посочи дека „Делта“ најверојатно ќе се соочи со парични казни - во зависност од исходот од истрагата, покрај какви било негативни ефекти врз профитот.
Акциите на „Делта“ поскапеа за помалку од 1 отсто во 8:24 часот, пред редовното тргување во Њујорк. Акциите на „Краудстрајк“ скокнаа за еден процент.
.webp){kind=icon}
