Македонската компанија за производство на лекови, преработка на билни суровини и производство на козметички и хемиски производи објави дека го проширува своето портфолио на јужноамериканскиот пазар.
„Институтот за јавно здравје на Чиле (ИСП) неодамна го додели првото овластување за ставање во промет на медицински производ произведен од Алкалоид АД Скопје“, информираат од компанијата.
Сертификатот за овластување се однесува на производ во форма на таблети, кој се користи за краткотраен третман на несоница кај возрасни.
Од „Алкалоид“ посочуваат дека продолжуваат со регулаторни активности за првична регистрација и на други медицински производи според националните регулаторни барања во Чиле.
„Се стремиме и се надеваме дека бројот на доделени овластувања во Чиле ќе се зголеми до крајот на годината“, се наведува во соопштението од компанијата.
.webp){kind=icon}
