text size
„Епл“ (Apple) го презеде невообичаениот чекор со отпуштање на околу 100 вработени во својот оддел за дигитални услуги како дел од промената на приоритетите во клучниот оддел, изјавија извори запознаени со ситуацијата во компанијата.
Компанијата во вторникот ги известила засегнатите вработени, кои работеле во различни тимови во одделот предводен од постариот потпретседател Еди Кју, рекоа изворите, кои сакаа да останат анонимни, бидејќи потегот сè уште не е официјално објавен.
Отпуштањата вклучија и некои инженерски позиции, а најпогодени се тимовите одговорни за „Епл Букс“ и „Епл Букстор“. Имаше и отпуштања во други сервисни тимови, вклучително и за Епл њуз.
Izveštaji Applea, Bloomberg
„Епл Букс“ стана помалку важен за компанијата, која повеќе не го смета за клучен дел од својата понуда на услуги. Сепак, се очекува апликацијата букс да добие нови функции со текот на времето, велат изворите. Кога станува збор за Епл њуз, отпуштањата не значат дека тој сегмент е помалку фокусиран, додаваат тие.
Отпуштањата во „Епл“ се релативно ретки, иако компанијата спроведе најмалку четири круга на намалување на работната сила во 2024 година. Претходно оваа година, „Епл“ отпушти стотици работници кога го прекина проектот за автономно возило, како и иницијативата за развој на микро-ЛЕД екрани.
Претставник на компанијата со седиште во Купертино, Калифорнија одби да коментира за кратењето на работните места.
Услугите генерално беа двигател на растот за „Епл“ во последниве години. Тие сочинуваа повеќе од 22 отсто од приходите во последната фискална година, во споредба со помалку од 10 отсто пред една деценија, а растот во тој сегмент помогна да се ублажи повремено послабата побарувачка за уредите.
Повеќето од отпуштањата се случија во одделот за апликации што го раководеше долгогодишниот потпретседател Роџер Роснер. На вработените им било кажано дека ќе имаат 60 дена да најдат друга работа во „Епл“ пред да бидат отпуштени. Некои вработени работеа во повеќе тимови, така што беа погодени и други области.
Некои од технолошките компании во Силициумската долина прават многу поголеми отпуштања бидејќи се соочуваат со забавување на растот и преминување кон вештачка интелигенција. „Циско Системс“ го намалува бројот на вработени за околу седум проценти, додека „Интел“ елиминира повеќе од 15 проценти од работните места.
.webp){kind=icon}
