Извршниот директор на „Тесла“ (Tesla) и најбогат човек на планетата, Илон Маск продал 7,92 милиони акции на компанијата во вредност од 6,9 милијарди долари на 5 август, што е неговата најголема поединечна продажба на акции досега. Маск ги продал акциите за да се подготви за можноста да биде принуден да го купи „Твитер“ (Twitter): „Во случај (се надевам малку веројатeн) Twitter да изнуди продажба, императив е да се избегне итна продажба на акциите на Tesla“.
Маск ја објави веста на Twitter, каде има 102 милиони следбеници. Пред четири месеци беше објавено дека тој сака да ја преземе оваа социјална мрежа и подоцна навистина беше постигнат договор за продажба, со зделка вредна 44 милијарди долари. Но, ексцентричниот милијардер потоа се премисли, па во тек е правен спор.
Ако Маск е навистина принуден да ја купи мрежата, му требаат финансии за да го стори тоа. Така, уште пред официјалната понуда за преземање на Twitter, тој за неколку недели продаде акции во вредност од 8,6 милијарди долари, а вкупно со августовската продажба за помалку од половина година продаде акции на Tesla во вредност од над 15 милијарди долари, а од ноември минатата година, акции во вредност од 32 милијарди долари.
Bloomberg
Постои голема веројатност Маск навистина да го преземе Twitter
Кога еден од следбениците на мрежата го праша Маск дали завршил со продажбата на акции и дали ќе ги откупи ако не успее купувањето на Twitter, Маск одговори едноставно со „да“. Во финансискиот свет, продажбата силно одекнува, бидејќи сугерира дека извршниот директор на Tesla, исто така, сфаќа дека ситуацијата со Twitter навистина ќе мора да се истера до крај, според Џин Мастер, технолошки аналитичар и партнер во Loup Ventures: „Според мое мислење, постои 75 отсто веројатност дека Маск ќе го купи Twitter. Шокиран сум. Ова ќе предизвика проблеми за Tesla на краток рок, но долгорочно важно е Tesla да го одржува производството и високиот профит“.
Акциите на Tesla имаа турбулентна година. Иако пораснаа за околу 35 отсто во однос на најниското ниво, сепак и натаму се за 20 отсто под јануарската вредност.
.webp){kind=icon}
