„НЛБ Обврзници“ нов отворен инвестициски фонд во Македонија

Комисијата за хартии од вредност на последната седница донесе решение со кое на друштвото за управување со отворени и затворени инвестициски фондови „НЛБ Фондови“ АД Скопје му даде одобрение за организирање на отворен инвестициски фонд „НЛБ Обврзници“.

„Сопственици на удели во новиот фонд можат да бидат домашни и странски институционални и индивидуални инвеститори, кои сакаат да вложат средства на период до три години во инструменти со фиксен доход (државни и корпоративни обврзници) и да остварат атрактивен принос“, информираат од КХВ.

Средствата на фондот ќе бидат инвестирани во депозити во овластени банки во земјава кои достасуваат во рок кој не е подолг од една година, краткорочни и долгорочни должнички хартии од вредност, државни и корпоративни обврзници, обврзници на издавачи (80-100 проценти), удели во други отворени инвестициски фондови регистрирани во Македонија или држави кои се членки или не се членки на ЕУ и на ОЕЦД, под услов надоместокот за управување да не надминува еден процент од нето вредноста на имотот на тој фонд на годишно ниво (0-10 проценти) и пари на сметка (0-20 проценти) Депозитарна банка на отворениот инвестициски фонд „НЛБ Обврзници“ е „НЛБ Банка“ АД Скопје.

Во моментов нема коментари за веста. Биди прв да коментира...

Остави коментар