„Ербас“ (Airbus SE) планира да укине дури 2.500 работни позиции во својот одбранбен и вселенски сектор бидејќи европскиот производител на авиони се обидува да го рационализира работењето, чии трошоци постојано се зголемуваат, а истовремено се соочува со сериозна конкуренција.
Компанијата прави процени за тоа како да го намали работењето и е во преговори со синдикатите за намалување на бројот на работни места, информираат лица запознаени со преговорите. Портпаролот на „Ербас“ одби да коментира.
Голем дел од кратењата на работните позиции ќе се одрази во вселенскиот оддел на компанијата, кој исто така ги вклучува борбените авиони и операциите за сајбер-безбедност, рекоа лицата, барајќи да не бидат идентификувани.
Прочитај повеќе
Во период на штрајкови, „Боинг“ ќе отпушти 17.000 работници
„Боинг“ планира да ја намали својата работна сила низ светот за околу 10 проценти, што опфаќа 17.000 работници.
12.10.2024
„Фолксваген“ укинува 30-годишна спогодба за забрана за отпуштања
„Фолксваген“ го раскинува договорот за заштита на работните места на работниците од автомобилската индустрија.
11.09.2024
Одделот што се разгледува вработува околу 35.000 луѓе, објави претходно АФП (AFP) кога првпат ги обелодени плановите за кратењата, цитирајќи луѓе запознаени со предлогот.
„Ербас“ се бори да го сврти бизнисот, кој инаку страда од високите трошоци и некои од програмите што доцнат. Компанијата во јуни соопшти дека ќе има трошоци од околу 900 милиони евра (980 милиони долари) поврзани со некои вселенски програми, наведувајќи ги како причина „комплексните и софистицирани производи“ што создаваат развојни ризици.
Како резултат на тоа, „Ербас“ рече дека ќе ги процени сите стратегиски опции, како што се потенцијалното реструктурирање, моделите за соработка, прегледот на портфолијата и опциите за спојување и преземање.
.webp){kind=icon}
