.webp){kind=icon}
„Нокиа“ (Nokia Oyj) укина речиси 2.000 работни места во Кина, како дел од сеопфатната програма за намалување на трошоците во услови кога финската компанија се бори со слабиот пазар на телекомуникациска опрема, вели лице запознаено со ова прашање.
Кратењата на работните места се дел од пошироките напори за намалување на бројот на вработени дури за 14.000, што беше најавено уште лани, рече лицето, кое побара да остане анонимно поради чувствителноста на информациите. Според извештајот на компанијата, „Нокиа“ вработува околу 10.400 луѓе во Кина.
„Нокиа“ и нејзиниот нордиски ривал „Ериксон“ (Ericsson AB) ги намалуваат трошоците бидејќи се соочуваат со бавна продажба, со оглед на тоа што телекомуникациските оператори ги одложуваат или намалуваат скапите надградби на инфраструктурата. Во Кина, најголемиот пазар на 5Г во светот, европските компании ја губат битката од локалните ривали како „Хуавеј“ (Huawei Technologies Co.) и ЗТЕ (ZTE Corp).
Прочитај повеќе
„Ербас“ ќе укине 2.500 работни позиции
Ќе се отпуштаат работници главно во одбранбениот и вселенскиот сектор, во кој влегуваат и борбени авиони и сајбер-безбедност.
16.10.2024
„Дојче телеком“ ќе откупува акции за две милијарди евра и ќе инвестира во ВИ
Акциите на „Дојче телеком“ годинава пораснаа за 25 проценти, а со поголема имплементација на ВИ ќе ја зголемува ефикасноста.
10.10.2024
„Нокиа“ моментално поседува помалку од пет отсто од вкупниот удел на пазарот на опрема во Кина, информира портпаролот. Работењето се соочува со сѐ поголем предизвик бидејќи трговските односи меѓу САД и Кина се влошија, а кинеските оператори ја одбиваат европската опрема исто како што САД и некои европски земји ја отфрлија кинеската технологија. „Нокиа“ го намалува своето присуство во Кина, продавајќи го својот дел од заедничкото вложување со „Хуавеј“ во земјата претходно во текот на годинава.
Компанијата одби да коментира за отпуштањето на кинеските работници, за што претходно извести „Ројтерс“ (Reuters).
„Нокиа“ исто така укинува уште 350 работни места во Европа, од кои 48 во Финска, соопштија денеска од компанијата откако ги известија прво синдикатите. Компанијата веќе укина 7.500 работни места и рече дека досега ги намалила трошоците за 500 милиони евра (543 милиони долари), како дел од својата поширока програма, рече портпаролот. „Нокиа“ моментално има 78.500 вработени низ светот.
„Ериксон“ исто така е подложен на свој голем план за намалување на трошоците, објавувајќи ги плановите за укинување на 8.500 работни места минатата година.
„Нокиа“ ги објави кратењата на работните места на денот кога ги објави и резултатите од продажбата од третиот квартал, кои не се совпаѓаат со процените на аналитичарите, велејќи дека закрепнувањето се случува побавно од очекуваното.
