.webp){kind=icon}
Полицијата денеска ја претресе канцеларијата на ПвЦ (PwC) во Сиднеј, Австралија, како дел од тековната истрага за даночен скандал на фирмата.
Главниот извршен директор Кевин Бароус ги предупреди партнерите да очекуваат присуство на полициските сили на локацијата за да ги испита досиејата како дел од истрагите, според портпаролката на ПвЦ.
„Овој чекор е дел од постојна истрага што започна во 2023 година во врска со даночното работење и е истрага за поединци што ја напуштија фирмата“, се наведува во соопштението на компанијата. Од почит кон работата на полицијата, „нема да коментираме понатаму“, наведуваат од ПвЦ и нагласуваат дека од самиот почеток се целосно отворени за соработка.
Австралискиот разгранок на ПвЦ во минатото споделувал доверливи информации од својата работа со владата за претстојните даночни промени за да генерира нов бизнис во приватните фирми. Поради тоа, на висок партнер на ПвЦ, кој се најде во центарот на скандалот, му беше забрането да дава финансиски услуги и се формира основа за истраги за наводите за прекршување на етиката низ фирмите во индустријата и на повеќе нивоа на власт.
По откритијата, ПвЦ Австралија го промени своето раководство и ја продаде својата единица за владини услуги. Австралиската федерална полиција во февруари соопшти дека тековната кривична истрага за прекршувањето на доверливоста од страна на ПвЦ - „Операција Алезија“ (Operation Alesia) - има меѓународен обем.
