ХСБЦ (HSBC Holdings Plc) ќе укине некои од своите операции за инвестициско банкарство во Европа, Обединетото Кралство и во Америка како дел од тековното реструктурирање под водство на извршниот директор Жорж Елхедери.
Најголемата банкарска група во Европа ќе се повлече од обезбедување пазари на капитал и советодавни услуги надвор од своите основни операции во Азија и Блискиот Исток во наредните месеци, според меморандумот во кој „Блумберг њуз“ (Bloomberg News) имал увид.
Банката им соопшти на своите вработени дека во наредните денови ќе започне да разговара со клиентите за затворање на своите бизниси за инвестициско банкарство на Запад и дека ќе ги заврши сите тековни зделки и мандати, според меморандумот.
„Ќе задржиме поголем фокус на способности за спојувања и преземања и пазари на капитал во Азија и Блискиот Исток и ќе ги намалиме таквите активности во Европа, Обединетото Кралство и Америка“, се наведува во меморандумот на компанијата.
Портпаролката на ХСБЦ одби да коментира повеќе од содржината на меморандумот.
ХСБЦ веќе ги комбинираше своите глобални банкарски и комерцијални банкарски гранки надвор од Хонгконг и Обединетото Кралство како дел од реорганизацијата на Елхедери на финансиската група со седиште во Лондон.
.webp){kind=icon}
Во моментов нема коментари за веста. Биди прв да коментира...