„Луфтханза“ (Deutsche Lufthansa AG) предупреди дека има само ограничен увид во втората половина од годината, бидејќи трговските тензии и промените во однесувањето на потрошувачите ја доведуваат глобалната економија во хаос.
Најголемата европска авиопревозничка групација соопшти дека макроекономската неизвесност, особено трговскиот конфликт меѓу САД и Европа, ги отежнува прогнозите за клучната летна сезона. „Луфтханза“ формира посебна работна група за следење на побарувачката и приспособување на капацитетот доколку е потребно. Меѓу можните позитивни фактори, тие ги истакнаа пониските цени на горивата, што би можело да ги ублажи евентуалните слабости, соопшти компанијата.
Компанијата пријави зголемување на бројот на патници и приходите на трансатлантските летови во споредба со претходната година, што укажува дека побарувачката на таа клучна рута останува силна, дури и кога некои други превозници предупредија дека почнуваат да забележуваат пад на побарувачката. „Луфтханза“ соопшти дека во март превезла околу 25 проценти повеќе патници од САД до Европа отколку во истиот месец минатата година.
Прочитај повеќе
Кина ги откажува нарачките од „Боинг“ среде трговската војна
Кина им нареди на своите авиокомпании да не прифаќаат повеќе испораки на авиони од „Боинг“.
15.04.2025
Почнува летниот ред на летање, а со тоа и нови авиолинии од Македонија
Од Скопскиот аеродром ќе летаат 16 авиокомпании до 47 редовни дестинации, а три ќе сообраќаат со 10 чартер летови
29.03.2025
„Визер“ го укинува летот Скопје-Будимпешта
Сите погодени патници се информирани за промените и им се понудени алтернативни опции за патување, како и опции за целосно враќање на средствата во форма на оригинално плаќање или „Виз кредит“.
20.02.2025
Лондонскиот аеродром „Хитроу“ затворен поради пожар
Аеродромот остана без струја поради пожар во блиска трафостаница.
21.03.2025
„Луфтханза“ блиску до договор за преземање на италијанската „ИТА ервејс“
Договорот наиде на ненадејна пречка минатата недела.
12.11.2024
Европските авиокомпании бараат мерки против нелојалната конкуренција од Кина
Кинеските компании нудат поевтини летови бидејќи летаат преку Русија, небо што е затворено за европските авиопревозници, и поради тоа имаат помали трошоци.
16.10.2024
Генерално, „Луфтханза“ ја задржа својата прогноза за регионално повисока приспособена добивка пред камати, даноци и амортизација за 2025 година.
Групацијата регистрира приспособена загуба пред камати и даноци од 722 милиони евра (822 милиони долари) за првите три месеци, во споредба со загубата од 849 милиони евра една година претходно. Приходите се зголемиле за 10 проценти, на 8,13 милијарди евра. Аналитичарите анкетирани од „Блумберг“ предвидоа приспособена оперативна загуба од 747,2 милиони евра.
Матичната авиокомпанија продолжува да ги оптоварува резултатите на групацијата, поради високите трошоци за персонал и постојаните доцнења на клучните аеродроми во Франкфурт и во Минхен, иако компанијата вели дека проблемите постепено се намалуваат.
До неодамна трансатлантските рути бележеа отпорна побарувачка кај туристичките и деловните патници, дури и кога растеше загриженоста дека имиграциските политики на САД би можеле да го намалат расположението. Во исто време се појавуваат знаци на воздржаност кај потрошувачите, со оглед на тоа што превозници како „Делта ерлајнс“ (Delta Airlines Inc.) и „Американ ерлајнс“ (American Airlines Group Inc.) претходно ги намалија своите прогнози за профит годинава.
.webp){kind=icon}
Во моментов нема коментари за веста. Биди прв да коментира...