Нискобуџетската компанија Рајанер (Ryanair Holdings Plc) гледа несигурност кога станува збор за закрепнувањето на авиоиндустријата. Стравовите се должат на предизвиците поради Брегзитот и потенцијалната рецесија во Европа, а од друга страна се ближи и крајот на летната сезона.
Додека најголемите европски нискобуџетски превозници се обидуваат да го одржат планот за зголемување на зимските капацитети и да продолжат да ја зголемуваат работата, а државите се обидуваат да го одржат економскиот раст, повторното оживување на авиоиндустријата стои на стаклени нозе и е чувствителна на надворешните влијанија и шокови, како што е воената ескалација во Украина, изјави главниот директор на авиокомпанијата, Мајкл О'Лери.
„Би биле луди ако не се грижите поради претстојната рецесија“, рече основачот на ирската авиокомпанија, додавајќи дека падот сигурно ќе уништи дел од конкурентните превозници.
Прочитај повеќе
‚Рајанер‘: Заборавете на летање за едно или десет евра
Ниските цени на четовите ќе исчезнат во наредните години поради зголемените цени на горивото
11.08.2022
Како авиопревозниците се штитат од високите цени на горивата?
Поради пандемијата, многу авиокомпании се повлекоа од тргување со нафтени договори, но во последните месеци ваквата практика повторно заживеа.
04.08.2022
Белградскиот аеродром полн со изгубен багаж
Патниците кои слетуваат на белградскиот аеродром „Никола Тесла“ забележале голем број куфери покрај лентите за преземање багаж
04.08.2022
Рајанер смета на својата способност да преземе дел од пазарниот удел на некои од ривалите, кои и натаму се воздржани поради долготрајните проблеми со персонал и ограничувањата во некои од центрите, како што е Лондон Хитроу.
Групацијата ја зголеми својата цел годинава да опслужи 166,5 милиони патници. Оптимистичките прогнози се темелат на новите воспоставени рути од Обединетото Кралство. Компанијата планира до 2026 година да има 225 милиони патници на годишно ниво.
Сепак, постои се' поголема загриженост дека растечките трошоци на живот може да ја намалат побарувачката за следната година, изјави О'Лери. Според извршниот директор, за Рајанер уште една закана претставуваат и дополнителните ограничувања на испораките на нови авиони од страна на Боинг.
Бритиш Ервејс (British Airways) во текот на зимава ќе укине околу 5.000 повратни летови откако летово откажа веќе 13 отсто од својот распоред на летови поради недостиг на персонал и ограничените капацитетите во својот центар во Лондон Хитроу.
.webp){kind=icon}
