Во првата половина од година „Макпетрол“ оствари вкупен приход 14,48 милијарди денари што е за 0,69 отсто повеќе во однос на лани. Најголемиот трговец со нафтени деривати во земјава ја зголеми добивката пред оданочување за 4,96 отсто споредено со минатата година.
Прочитај повеќе
Пред одлуката на ОПЕК+: Зошто расте цената на нафтата?
Цените на суровата нафта брент се вратија над 70 долари за барел.
30.07.2025
Руската нафта држи цена и покрај притисокот од ЕУ
Уралската нафта е продава со мала разлика во цената во однос на референтните цени
30.07.2025
Пет клучни суровини што треба да се следат на глобалните пазари неделава
Одвоивме пет значајни графикони што треба да се земат предвид на глобалните пазари на стоки на почетокот на оваа трговска недела.
21.07.2025
ББА-анализа: Како ќе се движат цените на нафтата и на гасот до крајот на годината?
Проекциите на ИЕА покажуваат забавување на побарувачката за нафта во 2025 година, со забрзана замена на нафтата во секторите за транспорт и производство на енергија како главен двигател на намалената побарувачка на долг рок.
29.07.2025
Анализа на пазарот на нафта: што се очекува во втората половина од годината?
Цената на нафтата расте во последните денови. Зошто?
15.07.2025
Во првите шест месеци од 2025 година количествениот промет бележи раст од 3,59 отсто, стои во финансискиот извештај за периодот јануари - јуни годинава.
„Друштвото го прошири малопродажниот асортиман кој се нуди на бензинските станици, а прометот со истиот се зголеми за 9,09 отсто. Но и покрај зголемувањето на количествениот промет, приходите на мало бележат пад од 2,65 отсто како резултат на намалувањето на цените на нафтените деривати на светските берзи, кои како набавни цени зафаќаат најголем дел од малопродажната цена на дериватите“, се наведува во извештајот.
Растеле и трошоците за вработени што е резултат на зголемувањето на бројот на вработени и зголемувањето на минималната плата. Транспортните трошоци исто така бележат зголемување.
„Истакнатиот труд и посветеност, исклучителната работна етика и силната тимска работа беа наградени со распределба во јуни 2025 година на вкупно 142 милиони денари од годишната добивка за 2024 година. Дополнително во јули 2025 година Друштвото, по одлука на Управниот одбор, на вработените им исплати регрес за годишен одмор во нето-износ од 48.000 денари по вработен, за што вложи 106,45 милиони денари“, соопшти компанијата.
Во текот на 2025 година „Макпетрол“ го продолжи силниот инвестициски циклус и вложи преку 112,6 милиони денари, како во реконструкција така и во изградба на нови малопродажни и големопродажни објекти.
Добивката по оданочување за првата половина од годината изнесува 464,19 милиони денари. Таа е за пет отсто поголема од истиот период лани, но е за 14,47 отсто помала од планираната.
„Макпетрол“ до крајот на септември ќе исплати дивиденда за 2024 година во бруто-износ од 424.804.800 денари односно 4.200 денари бруто по акција.
.webp){kind=icon}
