Плејстејшн (PlayStation) одделот на Групацијата Сони (Sony Group Corp.) ќе остане без својот долгогодишен главен хардверски инженер, Масајасу Ито, кој ќе се пензионира на крајот од месецов.
60-годишниот извршен потпретседател на Сони Интерактив Ентертејнмент (Sony Interactive Entertainment), „раката“ одговорна за PlayStation и другите иницијативи за игри на Сони, ќе ја напушти компанијата од 1 октомври, обелоденија од Сони за Bloomberg News. Од тогаш тој ќе има задача поврзана со мобилноста на групацијата Сони а, исто така, до март 2023 ќе продолжи со поддршка на SIE’s Platform Experience Group, како извршен советник.
Ито оди во пензија по многу успешна долгогодишна кариера во Сони. Тој стана дел од компанијата, чие седиште е во Токио, во 1986 година и работеше на аудио опрема за автомобили пред да премине во секторот за конзоли во 2000 година. Во текот на својот мандат во PlayStation групацијата, Ито го водеше инженерингот за PlayStation 4, што се продаде во повеќе од 117 милиони примероци, како и PlayStation 5, производ од најновата генерација. Во меѓувреме, тој исто така значајно помогна и за пласман на пазарот на надоградениот PlayStation 4 Pro модел, додавајќи му подобрена графика и компатибилност без генерациски скок на целосно нова конзолна платформа.
PS5 е оптеретен со синџирот на испорака и логистиката уште од своето лансирање во ноември 2020 година. Претходно Ито на блогот на PlayStation пишуваше за предизвикот за развојот на конзолата во време на пандемија. На почетокот имаа потешкотии да се состават доволен број единици по желба на производителот со амбициозни конзоли и внатрешни компоненти, што беше сериозен предизвик за нивниот снабдувач со чипови.
„Нашиот тим смета дека се работи за добро осмислена и убаво дизајнирана архитектура“, напиша Ито на блогот, додавајќи дека во конзолата се наоѓа внатрешна структура, која што изгледа многу уредно.
.webp){kind=icon}
