Тајванската компанија за полупроводници (ТСМЦ) пријави забавување на растот на месечните приходи, што го отвори прашањето за одржливоста на бумот на вештачката интелигенција, иако индустриските гиганти како „Енвидија“ (Nvidia) продолжуваат со зголемени нарачки на чипови.
Компанијата забележа раст на продажбата од 16,9 отсто во октомври, што е најбавното темпо од февруари 2024 година. Аналитичарите во просек очекуваат зголемување од 16 отсто во тековниот квартал. Сепак, акциите на ТСМЦ се повисоки за околу 37 отсто од почетокот на годинава.
Инвеститорите минатата недела беа потресени од ненадејниот пад на технолошките акции во Азија, што потсети дека светскиот раст на берзанските вредности поврзан со ВИ и полупроводниците можеби се приближува кон краткорочен врв. Извршни директори од Волстрит предупредија на задоцнета пазарна корекција, а САМ (Scion Asset Management) на Мајкл Бари објави дека има обложувања против „Енвидија“.
Прочитај повеќе
Од чипови до антимон - како политиките на Трамп ги диктираат трендовите на берзата
Кина во моментов е најголемиот производител на антимон, а Русија е еден од значајните добавувачи.
09.11.2025
Од „руски ‘Гугл’“ до една од најбрзо растечките компании за ВИ во Европа
Само една година откако акциите дебитираа на берзата Nasdaq, „Небиус“ скокна за повеќе од 500 проценти.
09.11.2025
„Енвидија“ бара од ТСМЦ повеќе чипови за да се справи со силната побарувачка за ВИ
Главниот извршен директор на „Енвидија“, Јенсен Хуанг, изјави дека побарал од ТСМЦ повеќе испораки на чипови бидејќи побарувачката за вештачка интелигенција и натаму е силна.
08.11.2025
Вештачката интелигенција ги освојува социјалните мрежи
Зајаци што скокаат, горили што зборуваат, интервјуа со бебиња, ако во последно време поминувате време на Инстаграм, Тикток, X или Јутјуб, веројатно сте забележале ширење на видеа генерирани од вештачка интелигенција.
09.11.2025
„Епл“ преговара за договор од милијарда долари годишно со „Гугл“ за надградба на Сири
„Епл“ е во завршна фаза на договор со „Гугл“ вреден милијарда долари годишно за користење на моделот Џемини во новата верзија на Сири, што ќе дебитира следната пролет.
06.11.2025
Сепак, раководителите од индустријата остануваат оптимисти за растот поттикнат од ВИ, и еден послаб месец во продажбата веројатно нема да ги вознемири инвеститорите, имајќи предвид дека некои од највредните компании во светот најавија амбициозни планови за вложувања.
„Мета“ (Meta Platforms), „Алфабет“ (Alphabet), „Амазон“ (Amazon) и „Мајкрософт“ (Microsoft) заедно ќе потрошат повеќе од 400 милијарди долари следната година за проширување на капацитетите за вештачка интелигенција – зголемување од 21 отсто во однос на 2025 година – во трката за водство во новите технологии.
Трошоците на технолошките гиганти продолжуваат да растат
Компаниите го зголемуваат капиталното вложување за развој на вештачката интелигенција
Bloomberg
Главниот извршен директор на „Енвидија“, Џенсен Хуанг, чија компанија е главен снабдувач со ВИ-чипови за најголемите корпорации, изјави во саботата дека бизнисот „од месец на месец расте сè посилно и посилно“.
Хуанг се сретна со генералниот директор на ТСМЦ, Си Си Веј, и побара дополнителни испораки на чипови за време на својата дводневна посета на Тајван, во период кога најголемите дизајнери на чипови се натпреваруваат за ограничените капацитети на компанијата со седиште во Хсинчу.
ТСМЦ е исто така главен производител на чипови за конкурентите на „Енвидија“, меѓу кои се АМД (Advanced Micro Devices – AMD) и „Квалком“ (Qualcomm), а произведува и силициумски чипови за „Епл“ (Apple) за ајфон и други уреди.
Оптимизмот на Хуанг го делат и неговите ривали. Главниот извршен директор на „Квалком“, Кристијано Амон, изјави за „Блумберг ТВ“ минатата недела дека светот ја потценува големината на идниот развој на вештачката интелигенција.
Во октомври Веј им кажа на аналитичарите дека производствените капацитети на ТСМЦ остануваат мошне ограничени и дека компанијата интензивно работи на намалување на јазот меѓу побарувачката и понудата.
.webp){kind=icon}
