Компанијата „Вондерфул“ (Wonderful) развива иновативни агенти со вештачка интелигенција (ВИ), кои им овозможуваат на компаниите да комуницираат со клиентите преку различни канали – чет, гласовна комуникација и е-пошта, започнува со операции во регионот Адрија.
ВИ-агентите се специјално приспособени за различни пазари и јазици, што ги прави идеални за употреба во региони со различни културни и јазични специфики.
„‘Вондерфул’ носи иновација што ќе го трансформира начинот на кој компаниите комуницираат со своите клиенти“, изјави Бар Винклер, извршен директор и соосновач на компанијата. „Нашиот пристап комбинира најдобра технологија со локална поддршка, што го прави нашето решение не само напредно туку и совршено приспособено на специфичните потреби на секој пазар. Овој пристап е тоа што го прави нашето решение популарно во регионот Адрија.“
Бар Винклер, извршен директор и соосновач на „Вондерфул“
Фото: Wonderful
Експанзијата доаѓа во време кога „Вондерфул“ обезбеди инвестиција од Серија А вредна 100 милиони долари во рамките на рунда финансирање, предводена од фондот „Индекс венчурс“ (Index Ventures). Учествуваа и други фондови, како ИВП (IVP) и „Инсајт партнерс“ (Insight Partners), а исто така и постојните инвеститори „Бесемер“ (Bessemer) и „Вајн венчрс“ (Vine Ventures). Инвестицијата се случува само четири месеци по почетната (seed) инвестиција од 34 милиони долари, што ја потврдува успешноста на пристапот на компанијата и брзиот раст на нејзината технологија.
Основана на почетокот на 2025 година, компанијата „Вондерфул“ расте со неверојатна брзина, бидејќи успешно го решава клучниот предизвик на пазарот – како вештачката интелигенција да стане масовно применлива во работењето. ВИ-агентите се виртуелни помошници што користат вештачка интелигенција за да комуницираат со луѓето и извршуваат различни задачи. Тоа се еден вид „паметни роботи“ што можат да разговараат со вас преку текст, глас или е-пошта. На пример, ако имате прашање за некој производ во онлајн продавница, наместо да ви одговори човек, ВИ-агентот може веднаш да излезе во пресрет, да ви даде точни информации и дури да ви помогне да направите нарачка.
Фото: Wonderful
Како што изјави Ведран Бајер, регионален директор за регионот Адрија, „нашата мисија е да создадеме решенија што ги комбинираат најдобрите глобални технологии со локални елементи. Компаниите во регионот долго време се соочуваа со потребата да изберат помеѓу глобални решенија што не ги разбираат локалните спецификации и локални решенија што не се способни да растат на глобално ниво. Ние им го нудиме најдоброто од двата света.“
Ведран Бајер, регионален директор за регионот Адрија
Фото: Wonderful
Со употребата на ВИ-агенти, компаниите сега можат да го оптимизираат својот контакт со клиентите и да решаваат задачи без потреба од човечка интервенција во повеќе од 80 отсто од случаите. Платформата се интегрира во постојните системи на компаниите и поддржува најразлични функции – од корисничка поддршка до интерна обука на вработени и поддршка на продажни тимови.
„‘Вондерфул’ докажува дека компаниите не сакаат само ВИ-агенти – тие ги сакаат оние што функционираат на секој пазар и на секој јазик. Таа јасност на фокусот, во комбинација со способноста на тимот да го спроведе тоа, е причината зошто толку брзо се пробиваат“, изјави Хана Сил, партнерка во фондот „Индекс венчурс“.
Со оваа инвестиција, „Вондерфул“ продолжува да ја проширува својата глобална мрежа и да го трансформира начинот на кој компаниите комуницираат со своите клиенти, нудејќи решенија што не само што се напредни туку се и специјално приспособени на потребите на локалните пазари.
.webp){kind=icon}
