.webp){kind=icon}
Бројот на претплатници кои користат телекомуникациски услуги врзани во пакет лани изнесувал 420.841, што е зголемување за 3,20 проценти во однос на 2020 година, покажуваат податоците од годишниот извештај за развојот на пазарот што го објави Агенцијата за електронски комуникации.
Најголем дел од претплатниците користат три услуги врзани во пакет и тоа: фиксна телефонија, широкопојасен пристап на интернет и ТВ услуги, но сепак нивниот број во однос 2020 година бележи намалување од 2,29 проценти.
Податоците на АЕК покажуваат дека бројот на претплатниците кои користат четири услуги врзани во пакет и тоа: фиксна телефонија, мобилна телефонија, широкопојасен пристап на интернет и ТВ услуги лани е зголемен за 8,34 проценти во однос на претходната година.
Од вкупниот број на претплатници кои користат услуги во фиксна телефонија 88,23 проценти ја користат оваа услуга врзана во пакет. Од вкупниот број на претплатници кои користат широкопојасен пристап на интернет 82,27 проценти ја користат оваа услуга врзана во пакет, додека од вкупниот број на претплатници кои користат ТВ услуги 70,21 проценти ја користат оваа услуга врзана во пакет.
Соред број на претплатници кои користат две електронски комуникациски услуги врзани во пакет, најголем пазарен удел во 2021 година има „А1 Македонија“ со 42,06 проценти, а потоа следуваат „Роби“ со 30,41 проценти, „Македонски Телеком“ со 23,99 проценти, и останатите оператори со 3,54 проценти.
Според број на претплатници кои користат три електронски комуникациски услуги врзани во пакет во 2021 година, најголем пазарен удел има „А1 Македонија“ со 55,10 проценти, потоа следуваат „Македонски Телеком“ со 40,33 проценти, „Роби“ со 3,85 проценти и останатите со 0,72 проценти.
