Швајцарската комисија за конкуренција започна прелиминарна истрага за надоместоците за лиценцирање што компанијата „Мајкрософт“ (Microsoft Corp.) им ги наплаќа на клиентите во земјата, откако претходно регулаторот доби поплаки за неодамнешните зголемувања на цените.
Ќе се испитуваат „значителните“ зголемувања на цените за „Мајкрософт 365“ (Microsoft 365), пакет што го користат бизнисите, како и владините агенции, за да се види дали претставуваат „незаконско ограничување на конкуренцијата“, наведе регулаторот познат како „Комко“ (Comco) во денешното соопштение.
Прочитај повеќе
„Мајкрософт“ се соочува со пад на побарувачката за вештачка интелигенција, тврди извештај
Aкциите на „Мајкрософт“ паднаа откако „Информејшн“ (The Information) објави дека софтверската компанија ги намалила очекувањата за привлекување бизнис-клиенти што ќе трошат пари на технологии во облак за модели и агенти на вештачка интелигенција.
04.12.2025
Зошто пораснаа акциите на „Алфабет“, а паднаа на „Мета“ и „Мајкрософт“?
За разлика од „Мајкрософт“ и „Алфабет“, „Мета платформс“ не е голем снабдувач на клауд-услуги (cloud computing) за надворешни клиенти, што значи декаа нејзиниот бран на трошење може да биде поризичен бидејќи повеќе инвестира во сопствени производи и услуги базирани на ВИ.
31.10.2025
„Опен еј-ај“ му додели на „Мајкрософт“ удел од 27 отсто, целосно преминува во профитна компанија
По речиси едногодишни преговори, „Опен еј-ај“ му додели 27 отсто на „Мајкрософт“, вредни 135 милијарди долари, и ја финализира својата профитна трансформација.
29.10.2025
„Мајкрософт“ ќе плати 6 милијарди долари за наем на компјутерска моќност за ВИ во Норвешка
„Мајкрософт“ ќе плати 6,2 милијарди долари за изнајмување моќност за вештачка интелигенција во Норвешка.
18.09.2025
„’Мајкрософт’ е посветен на почитување на швајцарскиот закон за конкуренција и ќе соработува со Швајцарската комисија за конкуренција во нејзината прелиминарна истрага“, истакна портпаролот на компанијата во изјава за „Блумберг“.
„Мајкрософт“ е еден од најголемите препродавачи на софтвер во Швајцарија, кој управува со локални центри за податоци на „Азуре“ (Azure) за да им служи на бизнисите со строги потреби за податоци и регулативи. Неодамнешните инвестиции во облак и вештачка интелигенција ја зајакнаа улогата на земјата како клучен центар за европските деловни операции на компанијата.
Доколку прелиминарната истрага утврди дека повисоките надоместоци ја ограничуваат конкуренцијата во смисла на Законот за картели на Швајцарија, ќе биде започната формална истрага, наведе „Комко“.
Соопштението доаѓа откако на почетокот на јануари бразилскиот регулатор објави истрага за софтверот и услугите во облак на компанијата.
.webp){kind=icon}
