„Енволед инвестмент“ (ENVOLED INVESTMENT L.L.C) со седиште во Дубаи, Обединетите Арапски Емирати има намера да стекне самостојна контрола над кипарската „Битар холдингс лимитед“ (BITAR HOLDINGS LIMITED) по пат на купопродажба на акции.
„‚Битар холдингс лимитед‘ во Македонија има седум регистрирани зависни компании меѓу кои друштвото за производство на електрична и топлинска енергија „ТЕ-ТО“, друштвото за производство, промет и услуги „ТЕ-ТО ГАС ТРЕЈД“, друштвото за инвестиции, производство, трговија и советодавни услуги „Балкан енерџи груп“, како и друштвата „Дистрибуција на топлина Балкан енерџи“, „Снабдување со топлина Балкан енерџи“, „Производство на топлина Балкан енерџи“ и друштвото за обезбедување „Балкан енерџи секјурити“, коешто е во ликвидација“, се наведува во соопштението од Комисијата за заштита на конкуренцијата.
Според платформите за проверка на компаниски профили „Енволед инвестмент“ е регистрирана во ноември минатата година.
Според последниот финансиски извештај на „ТЕ-ТО“ за 2024 година, друштвото е во сопственост на „Проџект менаџмент консалтинг“ (Project Management Consulting LTD) од Британски девствени острови, која поседува 60 проценти од акциите со право на глас, „Битар холдингс лимитед“ (29,20 проценти) и „Топлификација АД Скопје“ во стечај (10,80 проценти).
Во извештајот се наведува дека „крајни сопственици на друштвото (со над 20 проценти сопственост) се: ТГЦ (Territorial’naya Generiruyushchaya Kompaniya) од Русија и „Синтез грин енерџи“ (Sintez Green Energy) од, Кипар со официјално примено известување на 27.11.2023 година“.
.webp){kind=icon}
