„Рајанер“ (Ryanair Holdings Plc) соопшти дека ќе размисли за инсталирање интернет преку вај-фај низ целата флота само откако трошоците ќе се намалат и услугата ќе има смисла за патниците со ограничен буџет на кратки летови низ Европа.
Инсталирањето на Старлинк (Starlink) би барало „Рајанер“ да ги опреми авионите со антена што би создала дополнителен отпор и би ја зголемила потрошувачката на гориво за 2 отсто, изјави финансискиот директор на компанијата Нил Сорахан во понеделникот. Тоа, заедно со фактот дека патниците не сакаат да плаќаат за интернет на летови што во просек траат околу два часа, значи дека „Рајанер“ засега не е подготвен да ги опреми своите авиони со вај-фај, додаде тој.
„Го следам ова веќе 23 години, откако сум во ‘Рајанер’. Секоја година станува сè подобро, но едноставно сè уште не е таму“, изјави тој во интервју за телевизијата „Блумберг“ (Bloomberg TV).
Прочитај повеќе
Маск објави анкета на Х дали треба да го купи „Рајанер“ – јавната караница се вжештува
Онлајн расправијата меѓу Илон Маск и „Рајанер“ се провлекува веќе втора недела, а најбогатиот човек во светот повторно ја изнесе идејата за купување на авиокомпанијата откако се скара со нејзиниот извршен директор.
20.01.2026
Италија го казни „Рајанер“ со 255 милиони евра за монополско однесување
Нискобуџетната авиокомпанија намерно ги спречувала туристичките агенции да купуваат летови на нејзината интернет-страница.
23.12.2025
„Рајанер“ воведува програма за лојалност за помалку од 100 евра годишно
„Рајанер“ воведе програма за лојалност наменета за редовните патници, со што направи пресврт во однос на својот долгогодишен отпор кон концептот.
26.03.2025
„Рајанер“ бара да се ограничи алкохолот на аеродромите
„Рајанер“ побара од европските власти да ја ограничат продажбата на алкохол на аеродромите.
15.01.2025
Обично, патниците го поминуваат летот гледајќи филмови што ги презеле на своите уреди, што го прави интернетот во авион помал приоритет, рече тој.
Коментарите доаѓаат откако извршниот директор на „Рајанер“, Мајкл О’Лири, се впушти во жестока расправија со Илон Маск околу економската оправданост на Старлинк во авионите. Препирката, во која двајцата директори меѓусебно се нарекоа „идиоти“, донесе публицитет за ирскиот превозник и ги зголеми резервациите за 2-3 отсто, рече О’Лири минатата недела.
„Во овој момент тоа е речиси зад нас“, изјави Сорахан. „Тоа беа двајца големи идиоти што малку се забавуваа меѓусебно.“
.webp){kind=icon}
