Комисијата за хартии од вредност на последната седница донесе решение со кое на „Сервис Петрол“ ДОО Скопје, му се издава дозвола за давање понуда за преземање на „Фабрика Карпош“ АД Скопје.
Понудата за преземање се однесува на 62.078 обични акции со право на глас издадени од „Фабрика Карпош“ АД Скопје. Преземањето на хартиите од вредност ќе се врши по цена од 350 денари по акција.
„Во согласност со понудата за преземање, преземачот не утврдил најмала количина обични акции на кои се однесува понудата за преземање која треба да биде прифатена за да се смета за успешна“, соопшти КХВ.
Прочитај повеќе
„Сервис Петрол“ сака да ја преземе „Фабрика Карпош“ за 350 денари по акција
Овој чекор доаѓа откако „Сервис Петрол“ во блок трансакција вредна 62,7 милиони денари (околу милион евра) неодамна купи 224.000 обични акции кои „Градежен институт Македонија“ ги поседуваше во „Фабрика Карпош“.
23.12.2025
Според податоците на Централниот депозитар за хартии од вредност, „Сервис Петрол“ веќе поседува 74,89 проценти од акциите во „Фабрика Карпош“. Во „Фабрика Карпош“ има вкупно 139 акционери. Од нив, седум акционери се правни лица (шест домашни и едно странско), а 132 се физички лица, од кои 20 се лица од странство.
.webp){kind=icon}
