text size
Многупати сте држеле лименка „кока-кола“ в рака, но веројатно не сте знаеле дека секоја лименка содржи ултратенок слој пластика. Да не е таа пластична обвивка, чија дебелина е само два микрона, пијалакот на крајот ќе го скрши металниот слој на конзервата и ќе истече (да, истата „кока-кола“ што ја пиеме). Хемиската формула за тој пластичен полимер е една од најстрого чуваните индустриски тајни.
Таа тајна е речиси исто толку важна како и самиот рецепт за „кока-кола“, освен што, во овој случај, формулите за пластичната обвивка всушност не ѝ припаѓале на „Кока-Кола“, туку на партнерски мултинационални компании за боја и премачкување. Шенон Јо, хемиска инженерка и работничка во „Кока-Кола“, била една од само двајцата луѓе во компанијата со пристап до податоците за формулата за пластичната обвивка. Кога беше отпуштена во август 2017 година, таа го напушти седиштето на компанијата со деловни тајни во вредност од 120 милиони долари во џебот.
Секогаш кога некоја компанија отпушта некого, постои можност таа личност да земе нешто со себе. „Кока-Кола“, носител на најпознатата деловна тајна во светот, беше особено приспособена на овој ризик. Компанијата имала шема за класификација во стилот на разузнавачка служба, како и софтвер што го следи користењето на податоците на вработените. Наскоро било забележано дека Јо, користејќи облак и хард диск, преземала податоци што не ѝ биле дозволени. Во меѓувреме таа пронашла нов работодавец. Сепак, како што се покажало - оваа хемичарка всушност се обидела технологијата што ја украла од Америка да ја претстави во Кина, каде што производството на пластични полимерни лименки сè уште не постоело.
Тука започнува и повеќегодишната исклучително сложена приказна за индустриска шпионажа од насловната страница на „Блумберг бизнисвик“, во која на крајот ќе се вклучи и ФБИ. Ќе споменеме само дека Шенон Јо моментално отслужува 14-годишна затворска казна во САД, а деталите за овој случај ни ги откри авторот на „Блумберг“, Дрејк Бенет.
Повеќе за оваа тема погледнете во видеото во рамките на објавата.
.webp){kind=icon}
