Издавањето на општинска обрзница во општина Аеродром, нема да ја презадолжи општината, бидејќи има и повисок праг за задолжување од дозволениот, вели Тимчо Муцунски, градоначалник на општина Аеродром, во интервју за „Блумберг Адрија ТВ“.
„Ние одиме неколку милиони евра под максималниот праг на дозволено задолжување согласно законите и сето тоа е направено врз основа на добра анализа. Верувам дека ниту Министерството за финансии, па и Комисијата за хартии од вредност не би дале согласност за издавање на обврзница ако не е така, изјави Муцунски.
Градоначалникот вели дека со парите кои евентуално би се прибрале со издавањето на обврзниците ќе се финансираат најкрупните капитални инвестиции во општината со која раководи. „Ние реализираме капитални проекти, но тие што се клучните, особено во делот на инфраструктурата за образование односно доградба на училишта, нови градинки, не можеме да ги реализираме бидејќи во овој момент, од апсолутно нејасни причини за нас, се блокира техничка одлука којашто ќе и овозможи на општина Аеродром да биде првата општина која издала општинска обврзница, додава Муцунски.
Позитивни мислења и согласност за обврзницата веќе дадоа Министерството за финансии и Комисијата за хартии од вредност. „Единствено останува таа техничка одлука која треба да ја донесе Владата, а истата се пролонгира и притоа создава застој при реализација на клучните капитални инвестиции предвидени за 2023 година, вели Муцунски.
Тој тврди дека инаку инвестициите кои се планирани, во фазата на фискална децентрализација во која во моментов се општините, се вложувања кои треба да ги прави државата. „Но, ние гледаме дека централната власт нема капацитет да ги догради нашите основни училишта, нема капацитет да изгради градинки колку што се потребни во општината и сме подготвени да ги реализираме на наш товар“, додава.
Потсетува дека освен општина Аеродром позитивни мислења за општински обврзници има и општина Штип, но и таа не е реализирана. Според него, обврзницата ќе помогне во диверзификација на финансискиот пазар, но ќе има позитивен ефект и за раздвижување на локалната и домашната економија.
„За жал имаме Влада што овие процеси ги гледа единствено низ призмата на тесни политички интереси и ништо друго, вели Муцунски.
Муцунски коментираше и за состојбите во градот откако Скопје четири дена остана заглавено во смет.
„Ова е пред се здравствен ризик за граѓаните, но и показател дека јавните претпријатија во градот воопшто не функционираат, вели Муцунски.
.webp){kind=icon}
Во моментов нема коментари за веста. Биди прв да коментира...