.webp){kind=icon}
Во Македонија сè уште нема терен за намалување на каматните стапки, смета дел од стручната фела коментирајќи ги досегашните движења на монетарната политика и идните потези на Народната банка.
Според Синиша Наумоски, претседател на Академскиот совет на Академијата за банкарство и информатичка технологија (АБИТ) и претставник на Управниот одбор на институтот за бизнис и менаџмент „Хајделберг“ во Скопје, главен ризик на глобално ниво се геополитичките тензии меѓу Израел и Иран, а на домашен терен инфлаторен притисок носи растот на платите.
Синиша Наумоски (ТВ-гостување)
Bloomberg Adria
„За пад на каматите може да се размислува при крајот на летниот период. Да не заборавиме дека кај нас имаме два изборни процеса и можности од ризици при зголемување на платите, кое го најавуваат двете најголеми политички чинители. Од друга страна, важно е што банкарскиот сектор е суперстабилен и профитабилен. Ние имаме адекватност на капитал како македонски банкарски систем над 18 отсто или точно 18,1 отсто, тоа значи дека во 17 години македонските банки се најсилни и стабилни во овој момент. И, логично, кредитната активност забавува, се движи некаде околу 5 отсто, и тоа практично е логицирано, бидејќи водиме рестриктивна монетарна политика. Исто така да не заборавиме дека практично покачувањата или високите каматни стапки ќе имаат влијание и врз граѓанството, но од една страна очекувањата се и од меѓународната јавност дека повисоките профитни маргини можат да апсорбираат дел од тоа“, вели Наумоски.
Bloomberg Adria
Осврнувајќи се и на последните податоци за март, кога инфлацијата одново забрза во Македонија на 4 отсто, Наумоски посочува дека битката не е завршена.
„И со антиинфлаторните мерки и со изборните процеси, кај нас е прерано да се каже дека инфлацијата е победена, а ние како економија сме малечка земја и не можеме ништо освен да не ја увезуваме политиката на Европската централна банка. И европските централни банкари сè уште ја контролираат инфлацијата, но битката да се сведе на 2 отсто ќе биде голем успех на ЕУ“, вели тој.
Bloomberg Adria
Наумоски не очекува пад на каматите барем до крајот на првиот квартал од 2024 година.
Дури и да почнат да паѓаат каматите во вториот квартал од годината, тој смета дека стопанството годинава нема да почувствува некое олабавување од аспект на каматите на кредитите.
Bloomberg Adria
„За жал, да бидам објективен, ефектот ќе се почувствува наредната година доколку ублажуваме со паѓање на каматните стапки во втората половина од 2024 година. Но, како што кажав, а тоа го истакна неодамна и Фич, поголемиот раст на профитите во самите компании може да очекува апсорбирање на овие притисоци од инфлацијата или од повисоките каматни стапки на монетарната политика“, смета Наумоски.
Инаку, Народната банка петта седница по ред ја остава каматната стапка во мирување. На вчерашната седница на Комитетот за оперативна монетарна политика беше одлучено каматата да остане на нивото од 6,30 отсто.
Растот на каматите, пак, започна во април 2022. Оттогаш досега имаше петнаесетина нагорни корекции, со кои основната камата стигна од 1,25 на 6,30 отсто.
