Прави скара како Европеец

Како вкусовите од целиот континент да ги донесете во вашиот двор.

Во прогнозата за ова лето наместо главоболки при патување, можете да ги внесете вкусовите на многу европски земји во вашиот двор, користејќи разни специјални алатки. Како шпански тави за паеља со ориз и морска храна, кои се динстаат додека на дното не се формира крцкава кафеава кора, позната како сокара. Или на германски скара - швенкгрил, каде што решетката виси и се лула над огнот: таа е одличен начин за печење свинска кртина, колбаси и зеленчук. А ако не можете да стигнете до Турција, сепак можете да пиете кафе како да сте во Истанбул - долгите рачки на ѓезвето ви овозможуваат да направите силен турски пијалак на скара. 

Со готвење вечера дома можете да посетите повеќе земји отколку што би посетиле за една недела. Издвојуваме 14 начини да имате одлични авантури без патување. 

ГРЦИЈА 

„Yiayia: Time-Perfected Recipes From Greece’s Grandmothers“ е нова книга за готвење, која покажува како сончевите денови во градината можат да доведат до долг среќен живот. Започнете едноставно со цацики-сос од краставица и јогурт, направен од бабата на авторката Анастасија Миари, декориран како што тоа обично се прави во таверните, со една црна маслинка каламата. Препорачуваме да ги купите вашите маслинки од „Биг пикчр фудс“ (Big Picture Foods), бидејќи тие се регенеративно одгледувани и спакувани во сопствената саламура под водство на Сотирис Китрилакис, 89-годишен поранешен вработен во НАСА, кој стана претприемач за храна. 

Фото: Ted и Chelsea Cavanaugh  Од „Јаја“: грчка паштицада или чорба со тестенини и октопод 

ПОРТУГАЛИЈА 

За пикник, тешко е да се победат португалското суво месо и колбаси, кои се погодни за дрвени штици или за скара. Пробајте го пресунто од светска класа, португалска верзија на пршута направена од Дон Родриго од Њу Џерси, чии свињи се хранат со желади и костени. Има и чорисо казејиро (chouriço caseiro), колбас подготвен за сечење и јадење; други чорисос, во незачинета или лута варијанта, може да се печат на скара или да се приготват на начинот „е бомбејиро“ (à bombeiro), со фламбирање во специјален сад од теракота. Додајте конзервирана морска храна и ќе имате врвна португалска гозба. 

ИТАЛИЈА 

Инвестирајте во нова печка за пица „оони кару 12Г“ за безбедно да внесете „долче вита“ во вашиот двор. Достигнувајќи неверојатни 510 Целзиусови степени, фурната е доволно жешка за да се испечат совршено крцкави наполитански пици со тенка кора, толку убави во нивната едноставност, за кои домашните готвачи некогаш само сонувале. Бидејќи печката работи на дрва, јаглен и плин, никогаш нема изговор да не се запали оган за да се пече сè, од летно овошје до свежо уловена риба. Цената е од 429 долари. 

ИРСКА 

Обложете ја плескавицата со ирска сланина „спенсер“ и легендарното сино сирење кашел од „зелениот остров“. Инокулирано со истите бактерии како сирењето рокфор, но со значително поблаг и побогат вкус (на оние зелени и пространи пасишта и кравите се посреќни), кашел е одличен избор за прв вкус на сино сирење. 

ФРАНЦИЈА 

Најдете приморски ресторан каде било во Франција, од Кан до Канкале, и ќе видите маси натрупани со остриги. Во својата нова книга „The Joy of Oysters“, Нилс Бернштајн вешто го истражува светот на овие омилени школки со француски кулинарски техники, вклучувајќи и печење на скара со путер од лук и тревка беур дескарго (beurre d'escargot). За оние од нас со американски имиџ, Бернштајн препорачува рецепти за остриги од „Хама хама“ од државата Вашингтон. 

Фото: Ted и Chelsea Cavanaugh  Остриги на скара 

ГЕРМАНИЈА 

Посетете градски пазар или селски саем во Германија, особено во далечниот западен регион Сарланд, и сигурно ќе видите една или две „лулашки“ скари или висечки швенкгрил со големина на детски базен, на кои се готват колбаси и дивеч до совршенство, така што решетката се лула над огнот за рамномерно печење. За домашната скара, триножниот „станспорт“ (Stansport) од 56 долари со скара од 17 инчи е најдоброто решение за колбаси вурст. 

БАЛКАН 

Ајварот е совршен прелив за хамбургер за кој досега не сте знаеле колку ви е потребен. Прелив направен од печени црвени пиперки и зачинет со лук, а понекогаш и лути пиперки, беше претставен на хамбургер во ресторанот „Балкан стрит“ (Balkan StrЕАТ) од Вилијам Ѓуриќ, член на персоналот на „Момофуку бар“ (Momofuku Ssäm Bar). „Го намачкавме на земичка како што обично би ставиле кечап“, вели тој. „Додава освежителен слој“. Ѓуриќ исто така фаворизира мачкање ајвар, кој може да се купи во маркети и онлајн, на месо за скара, пилешко и леб. 

Фото: Ted и Chelsea Cavanaugh  Хамбургер со ајвар од ресторанот „Балкан стрит“ 

РОМАНИЈА 

Каснете од омиленото јадење во Трансилванија, куртош. Се прави од лесно слатко тесто со квасец, кое се намотува на сукало и се пече на оган или на друг извор на топлина. Оние што сакаат торта, но не сакаат сами да ја направат, можат да нарачаат од пекарницата „Твистер кејк“ (Twister Cake), прелеана со што било, од традиционален карамелизиран шеќер до бисквити орео. Доколку сакате сами да ги приготвите овие деликатеси, рецептите за нив, осмислени од сопственикот на пекарницата Раду Сирба, се во книгата за готвење „The World Eats Here: Amazing Food and the Inspiring People Who Make It at New York’s Queens Night Market“. 

КИПАР 

Халуми, најновото сертифицирано сирење на кипарските Турци, го добива својот специфичен вкус од овчо и/или козјо млеко. Високата точка на топење и цврстата текстура го прават одлично за скара, каде што ја апсорбира аромата на чадот од огнот, и е одлична опција за вегетаријанците, за сервирање на чинија или во земичка. Лесно се наоѓа на пазарите низ САД. 

ФИНСКА 

Малкумина во Европа ја сфаќаат скарата толку сериозно како Финците. Кој друг, на крајот на краиштата, гради цели кабини само за да готви на оган? Канадската компанија „Кота грилс“ (Kota Grills) продава скари на дрва, со почетна цена од 2.495 долари, и цели кабини за дождливи денови или студеникави вечери, испорачани спакувани, во стилот на „Икеа“, со почетна цена од 10.500 долари (да, има комбинација на скара и сауна). Што се однесува до идеите за готвење, основачот и извршен директор на „Кота“, Оливер Досон, го предлага финскиот фаворит, парче „загорен“ лосос, кој се засолува три часа, а потоа се пече на скара. 

ШПАНИЈА 

Паељата во Шпанија е добра поради неколку причини: широката тава обезбедува исклучително голема површина за готвење на оризот, така што тој станува мек, а кората на дното речиси загорува; оризот со кратко зрно ги впива ароматичните течности, а морските плодови му додаваат вкус на јадењето. Сетови за паеља може да се купат од фармите за школки „Тејлор Шелфиш“ (TPacific Northwest’s Taylor Shellfish Farms) за 100 долари или „Голдбели“ (Goldbelly), оној дизајниран од шпанскиот готвач и основач на „Ворлд централ китчен“ (World Central Kitchen), Хозе Андрес, за 180 долари. Ако паељата не ви е доволна, запознајте го свежото свинско иберико (Iberico), вид на месо што често се користи во познатите сушени шунки. Компанијата „Кампо гранде“ (Campo Grande) нуди различни парчиња сочно месо. 

Фото: Ted и Chelsea Cavanaugh  Паеља со ајоли сос со лимон 

АВСТРИЈА 

Со скарата испијте пријатен кисел сект (пенливо вино). Овој вид вино во Австрија мора да се прави од грозје што се одгледува во самата држава, а можете да го купите по добра цена од приближно 25 долари. Добар пример за ова вино е: Schömann Zeltinger Himmelreich Riesling Sekt Trocken. Австрија е исто така дом на еден од најголемите светски производители на оцет, Wiener Essig Brauerei, кој ги прави производите со толку интензивни вкусови, како домати и смокви, што ќе бидете во искушение да ги пиете наместо со нив да ги прелевате вашите салати.  

ТУРЦИЈА 

Послужете густо, интензивно богато, пенесто турско кафе како финале на оброкот под отворено небо. Причината поради која рачката на традиционалниот турски сад за приготвување кафе, ѓезвето, е долга е за да овозможи готвење на оган. За да го дополните вашето кафе и да навлезете уште повеќе во турското доживување, послужете баклава полна со јаткасти плодови, во различни стилови, кои може да вклучуваат помалку традиционални колачи без глутен и вегански колачи. 

Фото: Ted и Chelsea Cavanaugh  Скара „Бејзик полар“ (Basic Polar Grilli M6) од компанијата „Кота“ 

ШВЕДСКА 

Раковите не мора да бидат кајун. Почнувајќи од почетокот на август, луѓето низ Шведска носат чудни капчиња, пијат аквавит (дестилиран алкохолен пијалак) и се прејадуваат со ракови за време на неофицијалната прослава позната како Крафтскива (kräftskiva), или гозба со ракови. Неколку шведски иселеници во Пајн Сити, Минесота, ја донесоа оваа традиција во државата, основајќи ја компанијата „Нордик картфиш“ (Nordic Craifish Co). Ќе ви испратат локално заловени ракови, зготвени на шведски начин со копар, а потоа замрзнати, за 13 долари, и сета потребна опрема, па дури и чудни капчиња за да ја организирате вашата сопствена крафтскива. 

Во моментов нема коментари за веста. Биди прв да коментира...

Остави коментар