.webp){kind=icon}
Луксузот ги истакнува неочекуваните агли на континентот.
Националниот парк Амбосели, Кенија
Без разлика дали станува збор за драматичниот поглед на планината Килиманџаро или за слоновите со најголемите заби во Африка (од по 45 килограми!), националниот парк Амбосели им нуди на посетителите неописливо искуство. Меѓутоа, поради недостигот од квалитетно сместување, вообичаено не се сметаше за врвна дестинација за сафари. Блискиот резерват Масаи Мара нуди слични културни и еколошки атракции и голем број луксузни кампови.
Затоа во цела Африка во текот на 2024 година нема да има побарано место за престој од интимната Ангама Амбосели, по моделот на кампот Ангама Мара. Тоа им овозможува на своите гости да видат слонови и други пет големи африкански животни одблиску. Амбосели ќе има само 10 шатори, од кои секој ќе биде сместен во бујни дрвја и направен во стилот на традиционалната кружна куќа на племето Масаи. Имотот е замислен како почетна точка за флексибилни авантури. Можете да изберете прошетка или возење низ мочуриштата и шумите што го сочинуваат приватниот природен резерват Ангама. Резерватот сè уште не е преполн со посетители и е во сопственост на локални семејства, на кои им е важен извор на приход.
Анагама навистина се потруди да ја вклучи својата поширока заедница, од своите управници до програмата за гости. Кулинарската програма ја води кениската готвачка Сара Салехин од познатиот вегански ресторан „Бохо итереј“ во Најроби, а добрите попусти за африканските жители ја прават прифатлива за локалното население.
Повеќето од овие далечни одморалишта бараат полуприватен чартер-лет, но гостите можат да пристигнат за три и пол часа од Најроби.
Мароко
И покрај разорниот земјотрес, Мароко во 2023 година нагости рекордни 14 милиони патници, што е за еден милион повеќе отколку во 2019 година. Овој успех најмногу се должи на туристичките власти, кои ги охрабрија луѓето да ја истражуваат земјата надвор од Маракеш.
На самиот север на Мароко, неколку елегантни бутик-хотели стануваат нов туристички центар далеку од крајбрежните мегаодморалишта во Тангер. Меѓу нив е и некогашното одморалиште на Ив Сен Лоран, вилата „Мабрук“, сега хотел со 12 соби. Таа е блиску до брегот, но подалеку од секакви туристички центри, со заоблени врати, тропски градини и живописен смарагден базен вграден во карпа. Друга истакната градба е палатата „Фермонт Тази“ на францускиот синџир „Акор СА“, која се наоѓа на врвот на еден рид, од каде што погледот се простира сè до Гибралтарскиот Проток.
Depositphotos
Летниот дворец на султанот од 18 век во главниот град Рабат во почетокот на годинава ќе стане раскошен хотел „Фор сизнс“. Хотелот е наречен „Каср ал Бахр“, има 200 луксузни соби со поглед на море и апартмани изградени во оригиналните градски ѕидини. Колку и да е хотелот дестинација сам по себе, гостите нема да останат рамнодушни доколку го истражат градот, особено по отворањето на импресивниот „Гранд театар“ во Рабат со 2.000 седишта.
Маракеш сè уште мами со својот креативен шарм. Хотелот „Нобу“, инспириран од пустинскиот живот, ја слави својата прва годишнина, а неговите луксузни апартмани се на само 10 минути возење од главниот плоштад во градот, „Џемаа ел Фна“. За оние што сакаат да останат во срцето на Медина, тука е „Иза“, хотел со 14 соби што ја прикажуваат мароканската уметност и со ресторан на покривот, кој го води готвач од култниот легендарен хотел „Ел Фен“.
