„Елевен ЕС“, компанија од Суботица, е единствена надвор од Кина што успеа да направи нова генерација на ЛФП-батерии (литиум-железо-фосфат) - без никел и кобалт. Големите светски компании специјализирани за производство на батерии, како што се АЦЦ и „Нортволт“, не успеаја да направат ЛФП-батерија. Батериите произведени во Суботица се користат во електрични автомобили, багери, автобуси, камиони и стационарни системи за складирање енергија, ветерници и соларни паркови. Батериите беа тестирани и од „Фолксваген“, „Рено“ и „Стелантис“.
Компанијата вработува 110 луѓе од 21 земја. Производството е целосно ориентирано кон извоз, пред сѐ за пазарите во ЕУ и Америка.
Следниот чекор е мегафабриката што ќе почне да се гради во 2025 година. За подоцна имаат поголеми планови - три гигафабрики, каде што би инвестирале неколку милијарди евра, а вкупно би се вработиле над 20.000 луѓе.
.webp){kind=icon}
